Shillong, Jylliew 30: U Director General ki pulit ka jylla u Dr. R L Bishnoi la iathuh ba la kem 11 ngut ki briew bad la ioh rah 5 tylli ki Scotty bad la ioh kurup 11 tylli ki mobile na ki briew kiba la kynnoh ba kila shoh briew ha Mawlai Lat iing bah SD Khognwir, ha Mahari Petrol Pump, ha Jaiaw Pdeng.
Na ka liang jong u DGP u la ong ba ha kitei ki jaka kala juh don ka jingshah shoh jong ki briew ha ki briew kiba ym lah na ithuh, na ka liang jong u tei u heh pulit ka jylla Meghalaya u kyntu ia ki samla ba kin nym shim ia ka ain ha kti lada don kano kano pyntip sha ki pulit.
La ong ba kum kine ki jingjia ki wanrah ia ka nam kaba sniew ia ka jylla bad ia ka nongbah Shillong hi baroh kawei ha khmat ka pyrthei, na ka liang jong u heh pulit u la ong ba dei ban kiar na kum kine ki kam shoh briew, haba ia dei bad ka jingkylli hato don ne em ki seng ba don kti la ong ba ia mynta kim pat tip.
Ha kawei pat ka jingjia saw ngut ki nongtrei bylla na Assam kiba la leit trei sha Jaiaw ynda jan miet ynda kila kiew ha kali ban leit phai ha jingkieng Umpohliew ka kali kaba ki shong la shah pynsangeh bad ki briew kiba la pynsangeh ia ka Taxi ba ki shnong bad kila shah ia ki kynthup ia u nongniah kali.
Da ka jingkloi ki dkhot ka VDP la lah ban ioh kem u wei na kito kiba ia don kti katba dang pyrshang ban phet bad ha ka jingiabeh la ioh kem na jan Madan Heh, ki pulit mar ia ioh jingtip ia kane kila leit sha katei ka jaka bad pynkit ia kiba mynsaw sha Civil Hospital ban sumar, ia ka ejahar la register ha Lumdiengjri Police Station.
