Shillong, Naitung 12: U Myntri khynnah ba dei peit ia ka ministry Petroleum bad Natural Gas kum juh ia ki kam bylla ha ka Ri India u Rameshwar Teli mynta ka sngi u la sam ia ki tyndong lyer na ka Ujjwala 2.0 kum ka jingpynlait paidbah ia kane ka skhim ha kane ka jylla Meghalaya.
Ha kane ka sngi la sam ruh ia ki skhim E-Sham ka PM-SYM Cards , EPFO sha ki paodbah kane ka jylla Meghalaya, kane ka sam ia kitei ki skhim ka long kum ka jingpynlait paidbah ha kane ka jylla da u mytnri khynnah ka sorkar pdeng.
Ha ka jingkren ha kane ka jingialang ban pynlait paidbah ia kitei ki skhim la ong ba ka jylla Meghalaya dei ka jylla ba dang duna ban pyndon kam ia ka Tyndong lyer na ka bynta ka shet jinghet , kiba pyndon kam ki logn tang 62% katba ha ka Ri India baroh kawei kala kiew sha ka 90%.
La iathuh ba ha dong shatei lam mih ngi jong ka Ri India ki petrolbum kiba don ia ka Ethanol ki long 9 tylli, na kine phra tylli ha Assam bad kawei ha Meghalaya ia kane la pynsngew da u myntri khynnah ka sorkar pdeng ha ka jingialang.
Ha kane ka jingialang ba ha Meghalaya kan sa don kawei ka jaka ban buh ia ka Gas ha Ri Bhoi bad ka jingpyntrei ia ki pipe ban pynpoi ia Gas lyngba ki pipe ka dang iaid mynta ha ki jylla ka thain shatei lam mih ha kaba ha kane ka jylla yn sdang noh shen.
Ha ka jingkren jong u bah Sanbor Shullai myntri ka sorkar jylla ba la don lang kane ka sngi la ong ba ka thong jong ki nongmih khmat paidbah ka long ban iarap ban kyntiew ia ka ioh ka kot jong ki ba dang sah dien. La pynpynmaw ba baroh ki jingthoh bakhuid ki kren ia kawei ka phang kata ka long ban iarap ia u para baduk.
Ha kane ka sngi kiba la wan ban shim ka ka kti jong u myntri khynnah ia ki jingiarap bala pynlait na kane ka jylla mynta ka sngi ka long kylleng ki bynta jong ka Ri Khasi Jaintia, khamtam ki kynthei kiba bun kiba la ioh ia kane ka tyndong shet.
Ha kane ka sngi kila don shibun ki ophisar na ka tnad sorkar jylla bad kumjuh na ka sorkar pdeng kiba la ia don bynta ha kaba ia dei bad ka jingsam ia ki tyndong lyer sha ki paidbah jong kane ka jylla, ka Deputy Commissioner ka East Khasi Hills ruh kala don lang.
