Nongpoh, Nailar 26: Ki nongialam jong ka seng KSU jong ka Ri Bhoi District mynta ka sngi ki la leit ban ia kynduh ia ka Deputy Commissioner jong ka District ban ia kren halor ka kam jong ki samla kiba la pass ia ka examin DSC jong u snem 2010.
Ha kane ka jingiakynduh u president jong ka seng KSU u Bah F Kharkamni u la ong na ka liang jong ka DC ka P Yadav ka la pan por sa shitaiew ban ia pynbeit ia kane ka kam namar ba u myntri rangbah ka jylla u Dr Mukul Sangma um don ha ka jylla.
Ki Samla kiba la pass ia kane ka DSC examination ha u snem 2010 dang shen ki la pynlong ia ka jingiaid paidbah ha ka ophis ban dawa ia ka hok jong ki ba dei ban pynjlan shuh ia ka por bad na ka liang jong ki bor jong ka District Adminstration ki la pan por shitaiew ban pynbeit ia kane ka kam. Ka jingleit jong ka KSU mynta ka sngi ka long ban bud dien ia katei ka jingkular.(SP News)
