Shillong, Naitung 17: Mynta ka sngi ki kynhun seng bhalang bapher bapher, ki seng sain pyrthei bad ka Kur Syiemlieh kala rakhe kynmaw burom ia ka sngi iap ba 187 snem jong u nongialeh laitluid jong ka ri u syiem jong ka Hima Nongkhlaw u Tirot Sing Syiem bala shah set byndi ha ki phareng ha Dhaka haduh ba un da khlad ha phatok.
Ha nongbah Shillong mynta ka sngi kala don ka jingbuh syntiew ban burom ia u nongialeh lailuid ha dur mot bala shna da ka seng KSU ha Madan Iewrynhep ha Nongthymmai da ka seng KSU, na ka party UDP bad kum juh na ka kur Syiemlieh na kiba don ha Shillong bad Nongspung.
Ha kane ka sngi ki nognialam jong ka KSU na ki shnat bapher bapher kiba don ha kane ka nongbah Shillong kila ia don lang ban buh sytiew ba pyndon burom ia u ne u riew khraw ha ka jingiadon lang ki nongialam rangbah ka seng u samla Lambokstarwell Marngar bad kiwei kiwei ki nongialam kyntup ia ka FKJGP bala lam khmat da u bah D. Khongsit Presdient.
Kane ka long ka sien kaba nyngkong ba kum ka kur Syiemlieh ba kan buh syntiew ban pyndon burom ia syiem ba khraw jogn ka Hima Nongkhlaw, ha kane ka sngi kila pynlogn ruh ia ka jingsngap jar kaba shiminit ban burom ia u tei u riew khraw ym tang ia ka jaidbynriew khasi hynrei jong ka Ri India baroh kawei.
Na ka liang jong ka UDP kiba la wan ban buh syntiew ki long u Bah Allantry Dkhar, bah Embhah Syiemlieh, Dr. Aman War kyrtong na 17-Shillong North Konstitwensi, bah Ohio Suting lem bad kiwei ki nongkit kam ka party kila ia don lang ban buh ia u syntiew ban burom ia u tei u riew khraw ka jaidbynriew.
Kiwei ki kynhun kiba la leit ban buh syntiew ban kynmaw burom ia u nongialeh laitluid ka Ri Khasi ka dei ka seng HANM, ka Shillong Socio Cultural Assamese Student’s Association (SSASA), ia kane ka jingleh burom la rakhe ruh ha Mairang da ka seng HYC.
