Shillong, Naitung 29: Ka tnad shna surok jong ka sorkar pdeng kala mang pisa T.8.7 klur tyngka ba shna ia ka surok Shillong Tura kaba twa ha u snem 2020 ha Nongshram kaba dang hap hapoh jong ka West Khasi Hills District.
U Chief Engineer Natinal Highway u G K Marak, la ong ba ka tnad PWD ba dei peit ia ka National Highway kala dep ban khot ia ka tender na ka bynta ban pyntrei ia kane ka jaka ba twa ha Nongshram kaba hap hapoh jong ka Mawthyngkut Konstitwensi.
Ka jingkhot ban thep tender kan kut ha ka sngi ba Ar jong kane ka taiew ban wan, lada kam don kano kano ka jingthud ha ki tender ia ka jigntrei la lah ban ai noh ban sdang trei hapoh shibnai, katei ka jingmang pisa kam dei tang ia katei ka jaka ba twa kynrei ha kynthup lang ia ki nala bad ki kynroh.
Lah ban pynkynmaw ba ka surok kala twa ha u snem 2020 na ka daw jong ka jingslap, namar ba ka dei ka surok National Highway ka sorkar jylla kala thoh sha ka tnad shna surok jong ka sorkar pdeng ban bei pisa bad ka sorkar pdeng ha u bnai Lber 2022 bad ha dien ba kila ioh ia ka pisa ki sa khot tender ban pyntrei noh ia katei ka jaka.
