Shillong, Nailar 02: Ka Awaken India Movement (AIM) kan pynlong ia ka program “Quit India Movement ” halor ka jingdap 80 snem kynthih na bynta ka jingialam u Kpa ka Ri India, U Mahatma Gandhi kum ka dak jingbburom ia ki matti ksiar kumba u la wanrah halor baroh ki khun ka Ri India baroh kawei.
Kane ka movement yn pynlong ha ka 9 tarik mynta u bnai Nailar (August), 2022 kaban sdang naduh kapor 10 baje mynstep ter ter. Ia kane ka Quit India Movement yn pynlong hi hapoh Shillong lyngba ka Mahatma Gandhi Road (M. G. Road) hajan jongka Meghalaya Main Secretariat.
U Mahatma Gandhi u la pynmih ia kane ka mat naduh u snem 1942 ha kaban ieng iakhun pyrshah ia ka Sorkar Phareng (British Rules). Kumta nakaliang jongka kynhun Awaken India Movement (AIM) kan pynlong ha baroh kawei ka Ri India kumjuh hangne hapoh ka Jylla Meghalaya lyngba ka jingialam ka Awaken India Movement (AIM), Meghalaya State Unit.
Ka jingpynlong ia kane ka program kanlong halor ki mat ba kongsan ha kaba yn ieng dawa nala kajong ka Sorkar ba kadei ban pyntreikam noh ia ka “HEALTH FREEDOM” bad ba dei ban weng noh ia kane ka jingwanrah ia ka jingsynshar donbor halor u Paidbah baroh uba dei ban im laitluid ha la kajong ka Ri bad ka Jaidbynriew, kaba long ruh ka Ri Synshar Paidbah (Democratic Country).
Ka jingwanrah ha ka ban pynsngew ia kine baroh da kaba ong ba kadei lyngba ka World Health Organisation (WHO) kalong pynban da kaba synshar donbor da u Bill Gates (American Business Man) kum u khraw spah jongka pyrthei, ha kaba la pyrshang ban wanrah shisyndon ia ka jingshimti halade ha baroh kiliang khamtam naduh ka synshar khadar bad kiwei kiwei.
Kane ka long kumjuh wat halor ka hok longbriew manbriew khlem da kheiñ dor shuh da kaba ynshim noh jubor ia ka jingim briew shisyndon na lyndet lyngba ka jingpynmih ia ki jingpang khlam ba bun rukom bad ki dawai kiba khlem da lah ban ai jingshai kat haduh kine ki sngi ba mynta da kaba wanhap pynban da ka World Depopulation.
Ka jingwan ban ieng pyrshah ia u paidbah da kaba shu pynbor ban shim dawai ne wat ban shim TIKA Covid khlem da ñiewkor ia ka hok bad ka jingshisha ha manla iwei pa iwei napdeng ki parabriew, ka la pynmih ia shibun ki jingeh bad khamtam halor ka jingjaw ummat ki paidbynriew ha kiba bun ki jaka jong ka Jylla da ka jingiap noh ki para bynriew hapdeng ka por ka bym shym la poi pyrkhat.
Na kaliang jongka kynhun Awaken India Movement (AIM), Meghalaya State Unit, kan hap ban ieng ruh ban dawa na ki bor Sorkar ha ka ban wanrah ki jingiada kiba skhem halor ki jingbam jingdih kiba biang na bynta ka koit ka khiah jong u Paidbah baroh uba dang im ha kane ka sla pyrthei bad badei ban tip paidbah kum ka “FOOD SECURITY”.
Ka AIM kan dang iai dawa shuh shuh halor ki lad ki lynti ban dang wanrah ki jingkyntiew halor ka rep ka riang ha la kajong ka Jylla khamtam na la kijong ki para Ri jongngi khnang ba kan ymktah ia ki Nongrep ne wat ban ym duhjait noh shisyndon ki mar rep kiba mih na la kajong ka Jylla da kaba ynhap wat ban pyntreikam noh da ka Meghalaya Agricultural Policy.
Ka AIM Meghalaya, kan hap ruh kumjuh ban pynpaw halor ka Pule Puthih kaba la wanjia hala kajong ka Jylla khamtam halor ki khun khynnah ki bymioh lad shuh ban pdiang na ka bynta ka Hok bad ka jinglaitluid kumba dei ban ioh lyngba ka “EDUCATION POLICY”.
Ka jingdawa naka Sorkar kalong ban kyntiew shaphrang na bynta ka jingnang jingstad katkum ka jingdonkam halor kane ka lawei pateng la pateng kaban dang sah khang ba kan ym pynsah dum ia ki longdien man dien lem khamtam na bynta ki duk ki rangli kiba dei ban ioh ia ka jingnang jingstap khlem da pynleh nohei ia ka kum ka spah bah kaba donkam ia baroh.
Ka Awaken India Movement (AIM), Meghalaya State Unit, ka khot ka iawer ia baroh ki Paidbah Nongshong Shnong kiba don ia ka mynsiem sngewkhia namar ka lawei jongka Ri bad ka Jaidbynriew ka ban wan ha la kijong ki Longdien Mandien, ban ia mih shakhmat ha katei ka sngi, kynthup naduh ki nongtreikam sorkar, treikam lajong.
Ki khynnah skul khynnah pule, ki nongtrei bylla sngi bad ki nongrep, da kaba ngin pynpaw burom kum ki paidbah ba im halor ka Ri ba Laitluid bad ka Ri Synshar Paidbah, da kaba ynieng pyrshah bad ieng iada halor kane ka jingshah synshar beiñ bad leh donbor lyngba ki bor sorkar bad ym ailad ha kaban pyrshang ban wanrah ia ka jingsynshar mraw ha la kajong ka Jylla, kane ka long katkum ka kyrwoh bala phah da u bah
