Shillong, Nailar 06: Mynta ka sngi u myntri ba dei peit ia ka tnad thain jain u bah Banteidor Lyngdoh u la plie a ka jaka pynwandur ban thain jain ha Umden-Diwon ha Ri Bhoi District, ia kane ka jaka la plie ba kan pyntrei kam ia ki saw tylli ki bynta, “Ahimsa Silk , Organic Dyes,Women Centric bad Global presence aspects”.
Haba kren plie ia kane ka jaka pynwan dur ban thian jain u bah Banteidor la ong ba kane kan long ka jaka ban long ka jaka pynwan dur ia ka rain tynrai kiba dei na kane ka jylla bad khmih lynti ba kane kan long kum ka jaka wat bniah ha kaba pynwan dur ia ki jain bala thain na ki ksai muka bad ksai rusom bad kan long ruh ka jaka wat bniah.
U Myntri la ong ba kane ka jaka kan long ban peit bniah ruh kumno ban wanrah ia ka rukom thian ia ki jain kiban ia ryngkat dor kiba lah ban shallan ia ki shabar jong ka Ri India la pynsngewthuh u myntri ia kiba don bynta ha kane ka kam thain jain.
U Deputy Commissioner jong ka Ri Bhoi District ha ka jingkren u la pynpaw ia ka jingsngewkmen ban iohi ba ia kane ka jaka thain jain kan long kum ka jaka wat wat bniah da ka pyndon kam ia ka rukom airong da ki kynja sla dieng khlem da pyndon kam dawai.
U Director ka tnad thain jain la ong ba kane ka jaka kan long ka jaka ban ia kynduh hapdeng ki nongthain jain, kiba pynmih ksai, kiba don karkhana bad ki samla pule kiba wat bniah ha kaba pynwandur ia ka rukom thain jain bad kane ka jaka ka don ruh ia ka laboratory kaba kyrpang.
Ha kane ka sngi u Fredric R Kharkongor ba dei u commissioner bad secretary ka tnad thain jain la ong ba kane ka don ka jingiadei bad ka mariang, ha kane ka sngi la don ruh ka jingpyninam ia ki jain kiba la pynwandur ha katei ka jaka, kum ki jain Ryndia bad kiwei kiwei dei ki jaid jain.
