Shillong, Nailar 18: U bah Sam Lyngdoh u wei na ki riew rangbah mynta ka sngi u la pynbna paidbah ba un sa pyniasoh noh bad ka party Trinamool Congress ban ia khun ia ka MLA elekshon 2023 na Pynthorumkhrah na katei ka party.

Haba kren ha ki lat pathai khubor mynta ka sngi la ong ba ha dein ba u la bishar bniah na baroh ki party la sngewdei ban rung noh sha TMC bad u kyrpad ia ki paidbah ba kin ai ka jingkyrshan ia u ha kane ka khep kaba mynta.

Ka jingjied jong u ia ka TMC ka long ba um lah ban ia don lang bad ki party kiba la don ha ka sorkar, ka daw ka long ba ka TMC ka dei ka party kaba don ha ka liang pyrshah kumta u hap ban iaid sha kata ka bynta katkum ka jinglang ka Konstitwensi.

U la ong ba ia mynta ym pat pyniasoh bad ka party TMC hynrei ynsa pyniasoh bad kane ka rai ka long katkum ka jignshem jong ka kynhun namar hapoh ka konstitwensi dang don bun ki jingeh kaba ki paidbah ki ia kynduh kumta hap ban don ha ka liang pyrshah ban kren naka bynta ki paidbah.

U bah Sam la long ba kumba ka long mynta yndon ba iakren ia ka jingkiew dor ki marbam, ki paidbah ki siew iaka khajna la ka long ha kano kano ka rukom ruh, lada thied tang ka jingpruid ruh ki paidbah ki siew ia ka khajna bad wat ia u khaw ruh la pynngat GST, ia kane ka jingkeh ki paidbah lahb an weng lyngba ka TMC ia kaba un sa rung ha ka 20/08/022.