Shillong, Nailar 18: U symbut myntri rangbah ka jylla u bah Prestone Tynsong la ong ba ka iing bishar ba don burom ka High Court Meghalaya kala pynmih ia kawei ka rai ha kaba ia dei bad ka jingshallan ia u Mawshun sha bar ka Ri India haka 23^rd Jylliew 2022, haba shallan ia u Mawshun phi lah ban shallan.

Hynrei ka rai kala kren shai ba lade dei ha u “Minnor” phin nym lah ban shallan sha bar jong ka Ri, hynrei ka jingthoh kaba la ioh na ka Ministry Commerce and Industries kaba la ai da u Director General Foreign Trade bad kata ka jingpynshai ki ong ba ia u Mawshun lada u dei u Minor lane Major lah ban shallan sha kano kano ka Ri.

Ka iing bishar ka High Court jong ka jylla Meghalaya ha dein baka la ioh ia ka affidavit kaba la phah da ka sorkar Meghalaya lyngba u Advocate General u Amit Kumar, ba ka iing bishar mynta ka sngi kala ai ia ka jingpeit ka jong ka ‘Oral Observation’ kata ka long ba mynta kan nym khang ban shallan ia u Mawshun la dei u Minor ne major.

U bah Prestone la ong ba naduh u bnai Jylliew mynta u snem ia ki shallan Minor khlem ai shuh, lait noh tang ia u Major, u symbut myntri rangbah u la pyntip ba mynta ka sngi ka jingshong bishar jong ka High Courty of Meghalaya ka long ba kan nymkhang ia ka jingshallan kumba la ai ka sorkar da ka Affidavit.

U bah Prestone la  ong ba ka sorkar kan sdang biang ban ai ia ki shallan ban sdang biang ia ka jngshallan ia u Mawshun sha bar jong ka Ri India la pyntip u symbut myntri rangbah ka jylla haba kren ha ki lat pathai khubor mynta ka sngi.