Shillong, Nailar 19: Mynta ka sngi u State Working President jong ka party NPP u Prof. D War u la pynskhem ia ki khyndai tylli ki shnat jong ka party NPP ha 17-North Shillong Konstitwensi ha kaba da ki spah ngut kila don lang ha kane ka sngi ha ka jingialang ha iing dorbar shnong Jaiaw Lum Pyllon.
Haba kren ha kane jingialang u bah Bajop Pyngrope MDC jong ka Rambrai u la ong ba kane ka sorkar MDA kaba la ialam da ka party NPP hapoh ka jingialam u Conrad K Sanma kala leh kawei ka kam kaba khraw ia kaba kiwei ki party kim shym ha kine ki 50 snem kiba la leit noh.
Kane ka kam kaba khraw ka long ba kane ka sorkar MDA kala lah ban shim ia ka rai ban ia pynbeit pud bad ka Assam, u la ong ba kum u MDC ba dei na Rambrai u sngewthuh bha ia ka jingeh jong ki paidbah kaba ki ia kynduh ha baroh kine ki snem namar ka jingia kajia pud.
U bah Bajop u la kynthoh kylla ia ki nongialam jong kiwei ki seng sain pyrthei kiba la ia don lang ha Delhi por ba ia soi ia ka soskular bad kila ia shon dur lang hynrei da wan phai sha ka jylla ki ialam bakla ia ki paidbah hato kum kine ki nongialam hapoh ka jylla ban ialam bakla bad ki pyni ia ka rong ha khmat da kumwei bad sha dien da kumwei.
Haba phai sha u kyrtong ka NPP u bah Ransom Sutnga u MDC ka Rambrai u la ong ba kane ka 17-North Shillong ka dei ka konstitwensi kaba la niew kum ka bud lum ka jylla, la kyntu ia ki nongtrei ka party ban pynjop ia u bah Ransom.
Haba phai sha ka Them Metor la ong ba kane ka don hapoh kane ka konstitwensi bad ka sorkar ka la leh ia karam la jong hynrei ki don kiba pyrhshah pat, ha kine ki saw snem tam ka kiba la ialam da kane ka sorkar kala pyrshang ban leh ia kaba don kam.
Ha ka jingkren u kyrtong ka NPP u bah Ransom Sutnga u la ong ba kila dep ban pynkhreh ia la lynti kumno ban leh na ka bynta ka thain Jaiaw kaba hap hapoh jong ka 17-North Shillong Konstitwensi, kaei kaba ki dei ban leh ia kine ki shnong kumno ban pyntrei ia ki kam.
Ha kane ka sngi da ki spah ngut ki nongkyrshan ka NPP na ka ki shnong kiba hap hapoh jong ka Jaiaw kila ia dong ha kane ka sngi bad kila don ruh ki nongialam ka party kiba la pynshngain lang ha kane ka jingialang ban pynkhlain ia ka party.
