Shillong, Nailar 21: Mynta ka sngi kala don ka jingiakren pynbeit pud hapdeng u myntri rangbah ka jylla Assam u Himanta Biswqa Sarma bad Meghalaya u Conrad K Sangma kaba la long ha Dispur ha ophis jong ka Assam Secretariat, ha kaba ki Chief Secretary jong ki ar tylli jylla kila ia don lang.
U Myntri Rangbah ka jylla Meghalaya Conrad ha kren ha ha dien ka jingialang la ong ba halor ki kaiphot kiba la ioh ka jingiakren kala iaid sha khmat ha kine ki phra bad khyndai bnai kila don shibun ki jingiakynduh bad ki jingialang bad la leit ban jngoh ruh sha ki jaka kiba don ha ka jingiakam mar kylliang.
Ha kane ka jingleit ia kynduh bad ia mir jong mut bad kito ki briew kiba don ha ki jaka ba don ka jingakam mar kylliang, halor ki jingiakren kiba bniah ka jingiawad bniah ha kaba kila lah ban poi sha ka jingiasoi ia ka soskular kaba kila ia soi ha khmat jong u myntri kam poh iing ka sorkar pdeng u Amit Shah ha ka 29 Lber 2022.
Ha kane ka jingiasoi ia ka soskular ha kaba kila poi sha ka jingiasngewthuh jingmut ha ki 6 tylli ki jaka na ki 12 tylli ki jaka kiba don ha pdeng ka jingiakam kaba mar kylliang, halor ka soskular kaba kila ia soi ka tnad peit bniah jong ka sorkar pdeng bad ki ar tylli ki sorkar jylla kila sdang peit bniah bad buh dak iaki mapud kiba dei ban don hapdeng ki ar tylli ki jylla ha kaba ki mawpud kidei ban ieng.
Ki briew jong ka sorkar pdeng ba dei na ka tnad wat bniah (Survey) bad ki briew jong ki ar tylli ki sorkar jylla, hynrei namar ka jinglong ka suin bneng bad kito katto katne ki jaka ha kaba ki dang hap ban shim biang ia ka jingmunjur jong ki paidbah nongshong shnong ka jingpyniaid.
Kane kala dang iaid sha khmat bad kim pyniaid da kashim ia baroh ia ka jingshaniah.
Baroh ar liang jong ki bor ba dei peit ia ki District bad na ka ki ar tylli ki sorkar kin peit ba ka jingjurip ia ki hynriew tylli ki jaka kiba la dap dei ban pyndep kloi kat kaba lah ha ka jingbuh ia ki mawpud ia kaei kaba kila dep ban ia kren ha ka jingiakren pynbeit pud kaba nyngkong.
Ha kane ka jingiakren kaba ar yn thaw ia ki Regional Committee ban sdang ka jingia pynbeit pud ha ki hynriew tylli ki jaka bad kine kin leit ban ia kyduh ia ki briew sha kito ki jaka kan sa sdang bad kyrmen kane kan iaid sha khmat bad ha ka por kaba biang ki lah ban pyndep ia ki hynriew tylli kiba dang sah.
Ha kane ka jingialang kum ka dak ban pynia ba ki ar tylli ki sorkar ki don ka jingmut kaba shisha ban pynbeit ia u pud u sam ban ai ka jingshaniah sha ki paidbah ki myntri rangbah jong ki ar tylli ki jylla ka Assam bad Meghalaya kin leit ban kynduh ia ki paidbah ha katto katne ki jaka ha Block I bad Block II namar ki don ka thong ban pynbeit noh ia kane ka jingia kajia pud.
