Shillong, Nailur 02: Ka Border Security Force Meghalaya Frontier mynta ka sngi ka la rakhe ia ka jingngeit jong ka Azadi Ka Amrit Mahotsav ha ka “run up to Teachers’ Day” bad leit jngoh ia 65 tylli ki skul ha ki jaka khappud bad ki jaka ba marjan bad kine bad pynlong ia ki prokram bapher bapher.
U IG, BSF Meghalaya Frontier, u Inderjit Singh Rana u la ai khublei ia ki nonghikai bad ong ba kilong ki nuksa ia ki samla ki ban long ki rishot jong ka ri ha ki por ban wan.
Ka BSF ka la thaw ia ki kynhun bapher bapher ha ki Frontier, Sector bad Unit bad ha ki prokram bapher bapher, la pyni ia ki documentary halor ka BSF ban pynshlur bad ai jinghikai ia ki samla shaphang ka rukom pynrung kam jong kane ka kynhun shipai.
Da ka jingthmu ban pynrung shuh shuh ia ki samla hapoh ka kynhun shipai BSF, la sam ia ki kot lyngkdop halor ka rukom pynrung kam na ka bynta ki kyrdan Constable, Assistant Sub-Inspector, bad Sub-inspector & Assistant commandant hapdeng ki samla pule ban pynsngewthuh halor kane.
Ki heh ophisar jong ka BSF bad ki Jawan ki la ai ki jingkren pyrshah ia ki drok bad ki kam thombor ha ka imlang sahlang. La pynlong ruh ia ka jingpyni nam ia ki tiar ialeh ha ki skul bapher bapher ha kylleng ka Jylla.
Ki BSF ka thmu ban pynshlur ia ki samla bad wanrah ka mynsiem ieid ri, ka jingiatylli ka ri ha ki bad pynshlur ia ki ban nohsynniang sha ka roi ka par jong kawei ka ri bad ki jaka khappud.
La khmih lynti ba ki prokram ba la pynlong kin kyntiew ia ka mynsiem ieid ri, ka jingiatylli ka ri bad ka jingiashim bynta ki pateng ban wan khnang ba kin long ki nongshong shnong ka ri India kiba ai jingmyntoi bad kiba don jingbahkhlieh na ka bynta ka ri.
