Shillong, Nailur 01: Ka Sree Narayana Guru Cultural Centre, Shillong (SNGCCS) mynta ka sngi ka
la rakhe ia ka jingdap 10th snem jong kane ka seng bad ka dei ruh ka sngi burom ia ka jingdap 159 snem ka sngi kha jong u Sree Narayana Guru.
Ha ka jingkren jong u Lat ka jylla u Dr K K Paul kum u kongsan ha kane ka jingrakhe dap shiphew snem kane ka seng u Lat u la ong ba ka jinglong ba kynja mynsiem ka wan ha u briew kaba dei kajingim bad ka jingim ba kynja mynsiem kan nym wan hynrei hap ban wad ia ka.
Haba kren halor ka jingim jong ki briew ha kane ka Ri India ka la kot mynta sha ka 5000 snem, hynrei kane ka jinglong ban don ia ka jingim ba kynjua mynsiem ka dang iai bteng haduh kine ki sngi ka daw ka long ba ki briew ki burom ia ki nongkdew lynti kum ia u Swamis namar ka jinghikai ka jong ki ka long kaba janai dei ha kane ka rukom ba ki riti ki dustur ki im ha kane ka Ri India.
Haba kren pat shaphang ka jinglong ha kine ki sngi na ka liang jong u Lat ka jylla u la ban jur ia ka article kaba 51 jong ka Riti synshar jong ka Ri kaba ong ba ka jylla ka dei ban iada ia ka jingdon jingem jong ki paidbah bad ban kiar na ki jingkulmar.
Ha kane ka jingkren u la ia nujor ia la jylla Meghalaya bad ka jylla Kerala ba ka don shibun ka jingiasyriem ha kiba bun ki liang, ha ka liang ka pule puthi bad ban kyntiew iaka ioh ka kot ha kane ka bynta ka kamram kaba kongsan eh ka shong ha ki riew paidbah ban leh kane long katkum ka jingsngew ka jong u.
Ha ka liang ka roi ka par u la ong ba ka dei ka kamram jong u wei pa u wei ban trei na ka bynta ban kyntiew lang ia ka roi ka par ha ki para briew, u ong ba ka jinghikai jong u Narayanan Guru kan sa rung ha ki briew bad kan sa wanrah ia ka jingkylla. Ha kane ka sngi la pynkup burom ruh ia ki reiw trei mon sngewbha kiba la aiti ia lade na ka bynta kiwei.(SP News)
