Shillong, Nailur 10: Mynta ka sngi ka party UDP kala ioh ban plie ia la ka jong ka ophis trei kam jong ka party ha Laitumkhrah ha ka sngi ba ka party ka kynjoh sha ka 25 snem. U president ka party u bah Metbah Lyngdoh haba kren ha kane ka sngi la ong ka long ka jingsngew shngian ba la don ki nongialam ka party.
Haba kren kum u president sha ki nongkyrshan ka party bah Metbah la ong ba sanphew tylli ki snem kiba la ioh kum ka jylla, dei ha u snem 1960 la sdang ia ka APHLC ha ka por jong ka ka jylla Assam bad ka jingseng ia ka party ha kato ka por khlem artatien kaba don ka jingthmu ban seng da lade, ia lade na ka bynta lade bad kane ka kdew ia ka jaidbynriew khasi jaintia bad Garo.
U President ka party UDP la ong ba ieit ia lade bad burom ia kiwei, ka jingthmu ka jylla ka long ban synshar da lade ia lade, ha kito ki por ban ia khih na ka bynta ka jylla Meghalaya bad la ioh ha u snem 1972, ha u snem 1970 la ioh ia ka Autonomous State bad balei ioh ia kata ka daw ka long ba ha kato ka por jong ka jingsynshar ka Assam kala don ka jingpynbor ba baroh kawei ba dei ban pyndon kamnoh da ka ktien Assamese.
Kane ka long ka nongrim ba ki nongialam kaba ki nongialam mynshuwa ki sngewthuh ba lada pyntrei kam ia kata ka jingkwah ka sorkar Assam, ka Jaitbynriew Khasi Jaintia bad Garo kan poi sha ka khim khait, ka dei ka jingiohi kaba jngai kum ki nongialam, ka jingkhublei kaba kyrpang ia ki nongialam kiba la pynioh ia la ka jong ka jylla.
Hato dang don seng riewlum mo lada la pdiang ia ka ktien Assamese ha ka jylla kane ka dei ka jingstad ka jingshem phang kito ki nongialam ha kato ka por ka APHLC ha kato ka por ka don ka jingthmu bad kumno ka UDP ka wan bad ka long haduh mynta kumba la kren ki nongialam.
Hynrei ka don pat ka jingbymiasngewthuh jingmut ka don ka jingpaid ia pra ha u 1984 lamih kiwei pat ki seng sian pyrthei ka HSPDP bad ka PDIC, lada ngi ia khun da ka jingiapaid ia pra yn nym poi shano shano, ki riew rangbah ha kato ka por kila pyndem ngon ia ka jingsngew shimet ka jong ki ha ka miej jong ka jingiakren bad la pynwan dur ha ka dur jong ka HPU.
Ha u snem 1997 ki nongialam sa shisien kila ia poi sha ka jingiasngewthuh jingmut ban pynduh pyndam ia baroh ki seng sain pyrthei ha kato ka por ban ia wan lut baroh bad la pyndem ka HPU kala pdiang ban thaw ia ka UDP, lanud ban ong ba ka UDP kala dap 62 snem la shim naduh ki snem kiba la iaid.
Dei ha dien bala thaw ia ka UDP ha u snem 1998 ka UDP kala jop 20 tylli ki konstitwensi, naduh 1998 ter ter haduh mynta ka party kala iaid shibun ki jingeh bad ki mynta ki long tang ki nongshim pateng kumno ban iaid sha khmat namar mynta ka sngi ka dei ka sngi ba la seng ia ka UDP.
Ka jingiakren sharum shaneng ki ong ka UDP dei tang ka party ba don ka jingkyrmen, haba kumta kum ki nongialam ka party kin leh kumno ban pynurlong ia kata kum u president ka party sngew don ka jingkitkhlieh iala ka jong ka party ban pynthikna ba ka parry ka trei bad ka iaid sha khmat.
Ha kane ka sngi da ki spah ngut ki nongialam ka party kila ia poi sha kane ka jingialang ban rakhe ia ka jingdap 25 snem ka party na kylleng ka jylla bad ha ka juh ka sngi la plie ruh iaka ophis treikam jong ka party UDP ha nongbah Shillong, ha kane ka sngi ki nongialam ka party kila kren ban pynsngew kumno ban pynthikna ba kin ioh ban bat ia ka bor synshar ha ka jylla.
Ha kane ka sngi u MLA ka Nongkrem bah Lambor Malngiang bad u bah Reniktone L Tongkhar kila ia don lang ha kane ka sngi plie ia ka ophis ka party UDP bad kane kala pynthikna ba kine kin ia khun na ka UDP ha u snem 2023.
