Shillong, Nailur 10: Mynta ka sngi u I Love You bad Rames bad kyntup ia ki saw ngut kiwei pat ki koidi kila ioyh ban phet na District Jail Jowai bad kane kala jia ha ka por kubma shi baje noh phai sngi.
Kiba la lait phet ki long u I Love You Talang bala shah kem ha ka jingkynnoh bala don kti ha ki kam pyniap briew, u Rameshem Dkhar baroh ar ngut ki dei kiba dang shah kem dang shen halor ka jingkynnoh bakila pyniaid ia ki ar ngut ki nongniah kali kamai ia u Damehipaia Papeng bad u Fullmoon Kharsahnoh ha une u bnai ba la dep.
Kiwei ki saw ngut kiba la ioh ban phetlang ki long u u Marsanki Tariang, u Rikmenlang Lamare, u Shidorki Dkhar bad u Lodstar Tang kila ioh ban phet krad na District Jail Jowai ka West Jaintia Hills District.
Kane ka jingjia ka la jing ha ka por kumba 1baje ei ei nohphai sngi mynta ka sngi, haka jingiadei bad kane ka jingjia mynta ki pulit ki dang pynlong ka jingthwet kaba jur ia kine ki koidi ha baroh ki surok bah da kaba talsi ruh ia baroh ki kali ba iaid lyngba ki surok bah naduh ki kali heh haduh kiba rit ioh ba kine ki koidi ki phet rieh kum sha kiwei jylla ne sha kiwei ki ri.
Katkum ki lat khubor kiba la ioh la ong ba ka jinglait phet jong kine ki koidi ka long ba kila pynmynsaw ia ki nongap bad kumno ki ioh ban plie ia ka khyrdop jng ka phatok ka jingtohkit ka dang iaid ban lap ia ka jingshisha baroh, kat haduh ba thoh ia kane ka khubor ym pat lah ban tip.
