Shillong, Nailur 16: U myntri rangbah ka jylla u Conrad K Sangma haba iarap ban jubab ia ka jingkylli jong u bah Mayralborn Syiem haba ia dei bad ka lynti Rel, sha Shillong, u myntri rangbah u la ong ba ka sorkar ka kwah ban pyniaid ia ka lynti Rel, hynrei ai ki paidbah kin ai shuwa iaka jingmynjur.
U Myntri Rangbah ka jylla u la ong ba ia kane ka bynta u la ia kren bad u myntri khynnah ba dei peit ia ka tnad Rel bad ha ka jingiakren kala long shai ba ka sorkar pdeng bad ka sorkar jylla kin nym pyntrei ia kane ka lynti rel sha Khasi Hills khlem da pat ioh ia ka jingmynjur jong ki paidbah.
Kumba ka long mynta ka lynti rel kaba la sdang ka dei na Assam sha Byrnihat ha ki bynta jong ka jylla Meghalaya ka long 2.5 kilometer, hynrei kala mih ka jingwit bad ka jingtrei la buh teng shuwa bad ka jingiakren halor kane bad ki paidbah ki seng bhalang ki shnong ki thaw ka dang iaid haduh mynta.
Ha ka jingia dei bad ka sorkar pdeng ka jingiakren ka long haduh ka ophis jong u myntri rangbah duh jong ka Ri India, u mytri ka tand rel bad ki ophisar jong ka tnad rel bad baroh ki jigniakren ka long ba ia kam yn sa bteng ha dien ba la ioh ia ka jingmynjur jong ki paidbah, khlem ka jingmynjur ki paidbah ka sorkar kan leh kano kano kaba ktah ia u paidbah.
Ha ka jingiakren bad ki seng bhlang bad kiwei kiwei ki kynhun haba ia dei bad ka lynti Rel ki pynpaw ia kawei ka jingangnud ba dei ban don shuwa ki lat jingiada kin sa shah ban shna ia ka lynti rel, dei halor kane ba ka sorkar ka sa wanrah ia ka jingpynkylla ha ka MRSSA bad shim ia ka rai da ka iing dorbar ban pyntreikam ia ka ILP ha ka jylla.
U Myntri ba dei peit ia ka tnad kam kit kam bah u bah Dasakhiatbha Lamare haba jubab la ong ba haduh mynta ka don ka jingthmu ban pynpoi ia ka lynti rel sha Shillong, kala don ruh ka jignjurip ia ki jaka ia kaba mynta kila pynsangeh ha dien bala ioh ia shibun ki jingpyrshah ia kane.
U Myntri ka tnad kam ki kam bah la ong ban na ka liang jong ka sorkar pdeng ka kwah ban iohi ba kane ka lynti Rel kan urlong, hynrei kan long da ka jingiamynjur lang ki paidbah namar ka sorkar kan nym le kaei kaei kaba pyrshah ia ki paidbah.
