Shillong, Nailur Ka Jaintia Students Union ka la ai ka jingkyrshan ba pura ia ka jingdawa ka Society for Study of Law, Jaintia Hills ban buh ia ka National Law University kaba dei kawei na ki jaka pule ba ai jinghikai ia ka jingpule aiñ ba kham long paka kaba iaryngkat ruh kum kiwei pat ki National Law University ba don ha kiwei pat ki jaka ka Ri India.
Ia ka National Law University Ordinace 2022 la ai jingmynjur da ka cabinet ka Meghalaya Democratic Alliance ha ka 4 tarik July 2022. Ka Jaintia Hills ka dei ka thain kaba haduh mynta um don ia kino kino ki jaka pule ba kongsan watla mynta la don 50 snem ka jingioh ia ka jylla.
Ka jaintia Hills kam don kino kino ki jaka pule ha ki graduate professional course bad watla kiwei pat ki district ka la don ki jaka pule kum ka NEHU shillong bad tura campus, NIT, NEIGRIHMS, IIM shillong.
Kiwei kiwei bad kumjuh ruh ki ba dang propose kum Ka Shillong Medical College, Shillong Engineering College, Tura Medical College, Diary bad Vertinary College Ribhoi, Fishery College Garo Hills hynrei um don jingphaikhmat pat sha ka Ri lum Jaintia.
Ka JSU ka la phah shithi sha u myntri ba dei peit ia ka Law u James Samgma, u Education Minister u Lahkmen Rymbui, u Chief Minister u Conrad sangma bad ia baroh ki MLA KA Jaintia Hills bad ruh u MP ka lok Sabha u Vincent Pala bad u MP ka Rajya Sabha u W.R Kharlukhi mynta ka sngi 16/9/2022.
