Shillong Naiur 17: Ki samla kiba la dep ban ia khun ia ka eksamin ban ioh ia ka kam pulit ha u snem 2019 kila rai ban pynlong ia ka jingiakhih shongkyllain mungor ha khat ka ophis jong ka MBOSE namar ba ka sorkar haduh mynta kam pat pynlait ia ka resol.
U bah Shine Marwein uba dei uwei na ki samla uba iakhun ia kane ka eksam, u la ong ba kane ka rai ban mih madan ban iakhih ka long ban dawa na ka sorkar ba kadei ban pynbna noh ia ka resol kaba ki la dep ban thoh ia ka esamin kaba ki la pynlong ha u bnai Rymphang,2022.
Haba kren ha ki lat pathai khubor la ong ba kin pynlong da ka jingshonng kyllain morngor ha ka 19th Nailur 2022 kata la sngi nyngkong bad kan sdang naduh 10 baje mynstep ban pyrshah ia kane ka jingpynslem jong ka sorkar ban pynmih ia ka resol.
Kane ka jingpynslem jong ka sorkar ka buh jingeh iangi namar ba mangi ruh ka rta ka la nang iaid. Ki samla kiba aplai ia kane kam kin mih ban pynpaw ia ka jingpyrshah jong ki namar ba naduh u snem 2019.
Ka sorkar haduh mynta ka resol ka dang sahkut sah bad ka sorkar bad kam pat shym la lah ban pynbna tad haduh mynta watla ki ladep ban iakynduh ia u Myntri ka tnad Kam Pohiing ka sorkar jylla ruh hynrei haduh mynta kim shym la leh eiei.
Ia kane ka jingiamareh la pynlong ha u snem 2019 ha kaba da ki phew hajar ngut ki samla ki la aplai ia ki kam pulit kaba lait kumba 1015 tylli kiba kynthup 41 tylli ki dei ki kam UB (unarmed branch) sub- inspector, 268 tylli ki kam UB constable.
Ki kyntup ruh ia ki 37 tylli ki kam fireman, 25 tylli ki kam dribar, 21 tylli ki kam MPRO operator constable, 368 AB (armed branch), 13 tylli ki kam draibar na ka bynta ki shynrang, 3 tylli ki kam SF10, ne kita ki ‘Special Fluis’, AB sub-inspector.
Ha kane ka kynthup ruh ia ki 5 tylli ki kam signal operator, 98 tylli ki kam commando jong ki shynrang, 41 tylli ki kam commando jong ki kynthei, 64 tylli ki kam follower na ka bynta ki shynrang bad 10 tylli ki kam follower ia ki SF-10.
Na ka liang kine ki samla, ki la wer ia baroh ki samla kandidet kiba ap ia ka resol ba kin wan ha katei ka sng kum ka dak ban pyrshah ia ka sorkar ba pynmih ia ka resol jong ka Written Examination. Ha kajuh ka por, la kyntu ia ki kmie ki kpa ruh ban wan ai ka jingkyrshan ia ki ha katei ka sngi.
