Shillong, Risaw 03: Ka Central Puja Committee mynta u snem kala pynlong ia ka jingiakop tem Drum ha Rilbong bad ki nongia shim bynta ha kane ka jingiakop tem Drum ia kaba la tip kum ka “Drum Beat Competition 2022” ki don khatar kynhun na kylleng kane ka nongbah Shillong.
Ia kane ka jingiakop tem Drum ha ka jinglehniam Durja Puja la sdang ha u snem 1993 bad kane ka dei ka kylla kaba 28 sien, ia kane ka jingiakop tem Drum mynta la ai nam ha ka kyrteng jong u Shiv Kumar Agarwal bam kwai ha dwar u blei.
Ha kane ka jingiakop tem Drum, la bhah ha ki ar bynta, ka jingiakop tem Drum kaba para marwein bad kawei pat ka jingiakop tem kum ka kynhun bad ia kine ki ar kynhun ka don ruh da ka jingiakhusnam ia ki nongjop, ha ka kyrdan kaba nyngkong, kaba ar bad kaba lai.
Ha kane ka jingiakop tem Drum ki don ki kynthei ruh kiba la ia shim bynta lang ha ka jingiatem kynhun, shuwa ba kan sdang ia ka jingiakop tem kala don ka jingshah na ki long kmie ha katei ka jaka ban pynshong shit ia kane ka jingia kop tem Drum.
Ha kane ka sngi ki paidbah na kylleng kane ka nongbah Shillong kila ia poi sh katei ka jaka ban ia shakhi lang ha kane ka jingiakop tem Drum ha katei ka jaka bad ia kane ka jingiakop tem Drum ki don ki nognbishar , ia kane ka jingiakop la pyniaid da ka CPC.
