Shillong, Risaw 21: Mynta ka sngi ki shipai Border Security Force (BSF) kumba juh leh man la u snem kila pynlong ia ka jingbuh syntiew ha u mot ba la shna kyrtpang ha Umpling ban burom ia kiba la khlad noh ban ia da ia ka Ri, ia kane ka sngi la buh kyrpang ba kan logn ka ‘Police Commemoration Day’.
Ha kane ka sngi ki BSF kila pynlong ia ka jinglehbun ia ki para shipai kiba la aiti ia la ka jingim ban iada ia la ka jong ka Ri bad ia kane ka sngi la rakhe kynmaw burom ha ka 21 bnai Risaw jong man la u snem da ki Pulit ka sorkar pdeng bad kum juh jong ka kylla.
Kum ka dak jong ka jingkynmaw burom ia kito kiba la len lade na ka bynta ka Ri u Inderjit Singh Rana, Inspector General, ki shipai BSF ha Meghalaya u la buh ia u syntiew ha ka jaka ba la shna kyrpang ha Umpling.
Ha kane ka sngi bun ki heh shipai jong ki shipai BSF na ki shnat bapher bapher kila ia don lang ha kane ka sngi bad kila pynkynmaw ia kaei kaba ki shipai BSF kila pyndep ia la ka jong ka deity ban iada ia la ka jong ka Ri ha kane ka shisnem lynter.
Ha kane ka shisnem baroh kiba la len lade ban iada ia la ka jong ka Ri baroh ki long 264 bad tang na ki shipai BSF kiba dei ha khappud ban iada ia ka Ri kiba la len lade ia la ka jingim ki don baroh 27 ngut.
Ia kane ka sngi ‘Police Commemoration Day’ la rakhe ha kane ka sngi 21 bnai Risaw, namar dei ha kum kane ka sngi ba ki shiphew ngut ki pulit kila len lade ban iada ia la ka Ri ha ka jingiakhun pyrshah ia ki shpai ha China ha u snem 1959 ban iada ia u pud u sam ka Ri.
