Shillong, Nailur 05: U MP barim jong ka Rajya Sabha u Bah Rob
ert Kharshiiing mynta ka sngi u la kam yn pynkhyllem ia kane ka sorkar u Dr Mukul Sangma bad ban thaw da kawei ka sorkar na ka bynta ban ai ka jingshakri ia u paidbah.
Haba kren ha ki nongthoh khubor mynta ka sngi ha Nazareth Hospital u la ong ba kane ka sorkar u Dr Mukul kam lah ban leh ei ei ha kaba ia dei bad kine ki jingjia ha kine ki sngi ban tehlakam ia ki.
Ha kine ki sngi ki la don bun ki jingiakawang petrol bomb bad ki jingiathang kali, kum u nongshong shnong u sngewkhai ia kine ki jingjia baroh, u la ong ba u la dawa ba u dei ban hiar shuki noh.
Halor kine ki jingjia u la thoh da ka shithi sha u lat ka jylla u Dr K K Paul ia kaba la ai kotpi sha ka president jong ka AICC ka Sonia Gandhi, Rahul Gandhi, myntri rangbah duh jong ka Ri Dr Manmohan Singh bad sha ki heh jong ka sorkar jylla ruh kum juh.
Haba ia dei bad u myntri rangbah ka jylla u Dr Mukul Sangma na ka liang jong u Bah Robert u dawa ba dei ban don ka jingthoh kit na ka CBI ha kaba ia dei bad ka jinglong riewlum ka jong u.
U Bah Rbort u la ong ba na ka bynta ban shakri ia ki paidbah jong ka jylla u la rai ban rung Congress noh ban pynurlong ia kane ka jingkwah ka jong u ban wan rah ia ki jingkylla.
“ nga kwah ban rung Congress namar kane ka sorkar kam lah ban leh ei ei, ki bor bahlaor jong ka seng kin kyn kyntait ia kane ka jingtyrwa ka jong u. Ngan thaw ia ka sorkar kaba la ialam da ka seng Congress kaba kynthup ia ki MLA kiba don hapdeng 45 bad 52 ngut. Lada ki MLA baroh ki kwah ban treilang bad nga kyntup ia u Dr Mukul nga pdiang sngewbha ia u”.
Ka hukum kaba nyngkong kum u myntri rangbah ka long ban thaw ia ka Chief Ministers Advisory Council (CMAC) ha kaba u Chief Secretary un long u Chairman ha kaba yn don ia ka kyrdan myntri cabinet.
Haba ia dei bad ka ILP u la ong ba mar ia shimti ia ka kam myntri rangbah un khot ia ka jingiakren ia ki seng bhalang bad ia ki MLA, ia ki trai jylla bad ia ki bym dei ki trai jylla. U la kren shlur bha ba ha dien ka jingshimti ka jong u kum u myntri rangbah ki jingiakhih baroh kin sa sangeh. Kane ka jylla ka dei ka jylla jong ka jingsuk bad ka jingsuk kan wan.(SP News)
