Shillong, Risaw 26: Ki paidbah Nongkynshew Pisa jong ka Meghalaya Co-operative Apex Bank (MCAB) Ltd., Mawsynram Branch, mynta ka sngi kila ioh ban phah da ka jingthoh sha u Managing Director (MD) jongka MCAB Ltd. Head Office kaba don hapoh Shillong, ban kyrpad jur ia u MD, ban ympat weng shuwa ia I Bah P. Rani iba long u Accountant jong ka MCAB Ltd. Mawsynram Branch kaba don hapoh ka Shnong Mawsynram.
Ka jingieng skhem jongki Nongkynshew Pisa napoh katei ka Branch kalong ba kila pynpaw ka jingsngewdiaw kaba khraw hadien ba ki la tip shai ba u Bah P. Rani in shah pynkynriah napoh katei ka Branch da kaba ynhap ban buh noh sha kawei pat ka Branch jongkatei kajuh ka Bank kaba don ha kiwei pat ki Shnong hapoh ka Jylla Meghalaya.
Ki Nongkynshew Pisa napoh katei ka Bank ki la pynpaw ruh ba u Bah P. Rani u long u briew uba kloi ban iarap da kaba batai shai ia ki kyndon treikam jongka Bank, khamtam eh ha kaban pynsuk ia ka rukom kynshew pisa na bynta ki paidbah kiba duna ka jingnang jingstad ha ryngkat lem kiba duk ba suk ruh kumjuh.
Hadien ba ki Paidbah Nongkynshew Pisa jongka MCAB Ltd. Mawsynram Branch, khlem da pynslem ki la pan ka jingkyrshan ryngkatlang na u Bah Banshai Marbaniang iba long u Trai Shnong napoh katei ka Shnong Mawsynram ban iarap lem ha kaban pynpaw sha ka Head Office jongkatei ka bank ba dei ban pynneh shuwa ia u Bah P. Rani hapoh katei ka Branch, khnang ban kham pynsuk shipor ia ki paidbah jongka thaiñ kiba wan ban kynshew pisa.
U Bah Banshai Marbaniang I la ioh ban buh ia ka jingthoh hapoh ka miej jong i Managing Director (MD) jongka MCAB Ltd. Head Office bad la ioh ruh ban iakren bad I halor katei ka mat ban ympat weng shuwa ia I Bah P. Rani, iba long u Accountant jongka MCAB Ltd. Mawsynram Branch, kaba long ka bynta kaba donkam palat ban pynneh shuwa ia u hapoh katei ka branch.
Katkum ka jingangnud ki paidbah Nongkynshew Pisa. Nakaliang jong u MD jongka MCAB Ltd. Head Office u la pynpaw ba in sa shimkhia noh mardor halor kane ka phang kaba kum ki Nongkynshew Pisa jongka Bank jong ka Branch ki la ieng ban dawa na bynta ka jingdonkam kumba kadei banlong.
Shuh shuh hangne nakaliang jong u Bah Banshai Marbaniang in hap ban pynkynmaw biang sa shisien sha I Managing Director, MCAB Ltd. Head Office ba ka la long da shisha kaba donkam kyrkieh ban buh noh ia ka Automated Teller Machine (ATM) hapoh ka Shnong Mawsynram nalor ba ympat don ka jingshakri kyrpang kum ka ATM jongka MCAB Ltd.
Hapoh katei ka jaka. Kane ka bynta kanlong ka lad kaban wanrah ia ka jingpynsuk bad iarap ia u paidbah jongka thaiñ khamtam hapdeng ka jingdonkam kaba long kyrkieh ne kumjuh wat hapdeng kapor kaba ka bank ka dang khang.
