Shillong, Naiwieng 19: Ia ka tamasa kaba ar sngi kaba la ai kyrteng “ Na Thymmei 2022” la sdang mynta ka sngi ha Madan Weiking ia kaba la plie da u president ka seng u bah D Dkhar ha ka jingiadon lang ki nongkit kam ka seng.
Ha ka jingkren pdiang burom ia ki nongwan ia shim bynta ha kane ka tamsa la ong ba kane ka dei shibynta ka skhim jong ka sorkar pdeng ka “Swadesh” kane ka long shibynta na ka “Light bad Sound Shaw” kaba don ha Lum Sohpet bneng ia kaba ym pat lah ban pynlogn ha katei ka jaka la pynlong noh ha Madan Weiking.
Kane ka long ruh ban rakhe ia ka jingdap 75 snem jong ka jingioh laitluid ka Ri Indai bad ka jingdap 50 snem jong ka jingioh jylla Meghalaya, kane ka tamasa kaba ar sngi ka long ban pyninam iala ki riam bad rwai sur tynrai ki ban wan ia shim bynta na kylleng ka Ri Khasi Jaintia.
Ha kane ka sngi sdang kila dang ki jingrwai sur tynrai, ia kaba la sdang rwai plie ia ka tamada na, Ka Tbian Ki Sur Hara, bud sa ka Chad Lahoo bad kiwei kiwei kiba la pynshoh biej ia ki nongpeit kai wat ha pdeng ka jingkhriat ka miet ha kane kala don ruh ka jingiakop pyniriam tynrai.
Shuwa ban sdang ia ka jingleh kmen tamasa kala don ka duwai ha phirat ia kaba la duwai da ki tynmen ki san bala ialam da u bah Lyngskor Jala, ban duwai ia u nongbuh nongthaw ba kyrkhu kyrdoh bad ban kdat ia ki nongshun bad khalah sha bar lada don ki jingsniew bad haba don ka tam ka duna ban ia map.
