Shillong, Nohprah 01: Mynta ka sngi ka kynhun shipai BSF kala pynlong ia ka jingrakhe ia ka sngi sdang kane ka kynhun shipai ia kaba la seng ha ka 1st Nohprah 1965 bad kane ka ai ia ka jingphara ha ki ar bynta ki khappud ka Ri India, ha khappud bad ka Pakistan sha sep ngi bad Bangldesh sha mih ngi.
U Inspector Genenral ki shipai BSF ba dei peit ia ka jylla Meghalaya u Inderjit Singh Rana la ong ba ha Meghalaya ki shipai BSF ki kwah ban iohi ba kan don ka jingkiew ha ka khaii pateng hapdeng ka Ri India bad ka Bangladesh, ym tang katta ka kwah ban iohi ba kin dang mih shuh ki Iew Khappud.
Haba phai sha ka jingker ksainar shiah bad ka Bangladesh la ong ba haduh mynta la dep ban ker 75% bad kaba dang sah 25% kine ki jaka ba dang sah ruh ka jingshim jaka kala dang iaid sha khmat bad kyrmen skhem yn lah ban pyndep noh ia ka jingker ksainar shiah.
La iathuh ba da ka jingkyrpad ka sorkar jylla la phah saw kompeni ki kynhun shipai BSF sha ka thain Mukroh, la shim ar kompeni Shillong bad ar kompeni na Manipur kine ki saw kompeni ki don ha Mukroh ban iarap ia ka sorkar jylla Meghalaya.
La iathuh ha kine ki shisnem ka jingioh kurup ia ki mar khaii tuh sha Bangladesh kala kot sha ka T.25 klur tyngka, kem 123 ngut ki briew kiba kam palat ia u pud, ki nong India ki don 61 ngut, 32 ngut ki Bangladesh bad 30 ngut ki Rohingyas.
Ki mar khaii tuh kiba bun eh dei ka khaii masi, ka khaii kyiad, ka khaii jain saree, ka Ksiar bad bun kiwei kiwei ki kam khaii beain na kane ka Ri sha Bangladesh bad na Bangladesh sha India,
