Shillong, Nohprah 01: Ka National Council jong ka YMCAs ka Ri India lyngba ka shnat ba dei peit ia ki samla la pynlong ia ka jingai jinghikai ban long nongialam ia kaba la pynlong la Shillong YMCA dang shen.
Kiba la wan ban ia shim bynta na kylleng ka Ri India ki don 80 ngut, 32 ngut ki kynthei, kiba la wan ban ia shim bynta ki dei na Thiruvarambu na kanyakumari Tamil Nadu, Kuriyanoor na Kerala.
Bombay YMCA, Patna, New Bedagharh na Madhya Pradesh, Ballari na Karnataka, Jalna na Chattisgarh, Vizag na Andhra Pradesh, YMCAs na Aizawl jogn ka jylla Mizoram, Dimapur na Nagaland, Jowai, Shangpung bad Nongtalang kila ia shim bynta ha kane ka jingialang.
U President ka National Council, Rtd. Chief Justice ka Bihar, J.B.Koshy u la wan ban ia shim bynta kum ukongsan, la wan ban synran lang ia u da u Youth Vice President, u Gaurav Kalyan.
U National General Secretary u Bertram Devadas bad kiwei kiwei ki nongkit kam ka YNMC bad u President ka YMCA Shillong, Most Revd. Dr.P.Lyngdoh, la pdiang burom ia ki samla kiba la wan ban ia shim bynta bad kane ka jingiakynduh ka long ban pyniatylli kawei ia ka ri.
Ha ka jingkren u President ka NCYI u Justice J.B.Koshy u la pynkynmaw ia ki samla ba ki don ia ka kamram kaba khraw bad ki hap ban shim ia ka jingkit khlieh ha ki kam kiba pynkham ti ia ki, la pynkynmaw ba trei na ka bynta ka jingiatylli ka Ri ban shim ia ka jingkit khlieh na ka bynta ka roi ka par jong ka ri India.
Ki nongkren ba kongsan ha kane ka jingialang ki long u Dr. Andrew Ahoto, u wei na ki nongialam u bah J R Myrboh secretary jong ka MYCA Shillong, kala don ruh ka jingpyni ia ki sap ki phong na ki YMCA jong kiwei ki jaka.
