Shillong, Nohprah 09: U symbut myntri rangbah ka jylla u bah Prestone Tynsong haba plie ia ka Mawphlang PWD Division la iathuh ba ka sorkar kala rai ban plie saw tylli ki PWD Division, nalor ka Mawphlang un plie ruh sa ia ka Dadenggre, Kharkutta bad Mawshynrut.
Haba kren ha ka jingialang plie ia ka Mawphlang PWD Division u bah Prestone la ong ba da ka jingplie ia kane ka PWD Divisioh kala pynurlong ia ka jingangud jong ki paidbah jong kane ka thain, kane ka jingpli ka dei ka jingpynkiew na ka Sub Division sha ka PWD Division, la ong ba ka sub division ruh kan dang bteng ban trei kam.
La iathuh ba ia ka PWD Shillong South Division un rah noh sha Pynursla kane kan iarap ban pynduna ia ka jingkhap ngiah ki kali ha nongbah Shillong, la ong ba ka jingpynkynriah ia ki ophis sokar sha kiwei ki jaka na Shillogn kan dang iai bteng.
Ha kane ka sngi la don lang u MLA jong katei ka jaka u bah Eugeneson Lyngdoh, MLA, u bah Samlin Malngiang, MLA, u bah Lamphrang Blah, MDC, u bah Sherbor Mawlong, MDC, u bah K K Mawa, Chief Engineer, PWD (Roads), u bah S Kyndiah, Superintending Engineer, PWD (Roads), Eastern Circle, bah W Rilang Lyngdoh, Executive Engineer, PWD (Roads), Shillong South Division bad ki dkhot ka Hima Mawphlang.
