Shillong, Nohprah 09: Mynta ka sngi ka seng HYC kala leit ban ia kynduh ia u Dr. Joram Beda ba dei shongnor ka Meghalaya Medical Service Recruitment Board (MMDRB), ha kane ka jingiakynduh kila ai ruh da ka jingthoh bad ha kane ka jingthoh kila thoh shai ba ki don ka jingsuba sniew ha kane ka jingkhot aplikoshon thungkam namar ka jingai por duna palat.
Na ka liang jong ka seng HYC kala ai khublei ia ka jingleh jong ka sorkar jylla ban thungkam ia ki doktor ha ki kam kiba bun kiba lait ha ki kyrdan bapher bapher ia kaba ka seng kala juh kren na ka por sha ka por, ki pdiang ia kane ka jingkhot aplikoshon thungkam doktor ka pdiang sngewbha.
Katkum ka jingpynbna la kdew ba ki don 400 tylli ki kam balait ha ki kyrdan bapher bapher , hynrei na ka liang jong ka seng HYC ka pynpaw ba ki don ki bynta ba ki don ka jingsngewkhai ba ki la kdew ha ka jingthoh.
Ka HYC kala kdew ba ia ka jingkhot aplikoshon ka long ha ka 2/12/2022 bad kiba apply ki dei ban buh ia ki online application jong ki ha lane shuwa ka 10/12/2022 bad ha dien ba la dep ban peit bniah yn ai por tang san sngi ia kiba shah kyntait ia ki aplikoshon lada ki don ban ong ei ei, lada don ba hap pynbiang ia ki kot ki hap ban leh shuwa ka 8 tarik.
Ia ka eksamin yn pynlong long ha ka 14/12/2022, lada don kano kano ka jingujor la ai por tang lai sngi naduh ka sngi ba la khang ban thep aplikoshon, halor kitei kiei kiei ka seng HYC ka don ka jingsuba sniew ia kaba kim lah ban pdiang, ka HYC ka dawa ba ia ka eksamin ban long ha ka 14/12/2022 dei ban pynsangeh, ia ka dorkhas la soi da u general secretary u bah Roy Kupar Synrem.
