Shillong, Nohprah 14: Ha dien bala resign na ka kam MLA pyniasoh ki saw ngut sha ka party BJP mynta ka sngi, kita ki long u bah Himalaya M Shangpliang, u Bendic R marak, ka Ferlin C A Sangma bad u Samuel M Sangma, ia ki la pdiang burom ha ophis ka party ha Delhi.
Ha kane ka jingpyniasoh kitei ki saw ngut sha ka BJP la sakhi lang da u Rajya Sabha MP u Anil Baluni, u myntri rangbah ka jylla Assam u Himanta Biswa Sarma , u nongkren ka party ba dei peit ia ka North East u Rituraj Sinha, State Party President, Ernest Mawrie bad kiwei ki nognkit kam ka party.
Ha ka jingkren u Rituraj Sinha sha ki lat pathai khubor la ong ba ka jylla Meghalaya kala pdiang ia u myntri rangbah duh ka Ri u Narendra Modi namar ki kam pynroi bad kane ka long na ka bynta ka dang shatei lam mih ngi jogn ka Ri India baroh kawei.
U mytnri rangbah ka jylla Assam u Himanta Biswa Sharma bala ia don lang ha kaen ka juh ka sngi u la pdiang sngewbha ia ki sha ka party BJP, ka jingjop ka BJP ar sien ha Assam dei na ki kam pynroi bad ia kane ka juh yn rah sha Tripura bad Meghalaya ha ka election ban wan, na ki 2 ngut ki MLA ha Meghalaya ka seng kan sa ioh thaw sorkar.
Ha ka jingkren u bah Himalaya ha ka kyrtenng jong ki saw ngut kiba la rung lang sha ka BJP mynta ka sngi la ong ba ka BJP kala kiew sted bah ha Meghalaya ka daw ka long namar ki kam pynroi kaba u myntri rangbah duh jong ka Ri India u la leh, la ong ba ka Meghalaya ka don kam ia ka jingkylla.
Ban ia nujor ka sor Guwahahti ka dei kaba la kiew sted, kumta ka jylla Meghalaya ka don kam ia ki surok ba bha, ki jaka ai jingsumar bad ki jaka pule puthi kiba bha kine ki saw ngut kiba la resign na ka kam MLA kila pynpaw ba kin ai ka jingshakri sha ki paidbah ha ka kyrteng jong ka BJP.
