Shillong, Nohprah 19: Ka jingwan ia kynduh ka jong ka seng KSU bad ki briew na ka shnong Mukroh ka dei halor ka jingjia kaba la jia ha ka 22/Naiwieng/2022 ha kaba san ngut ki paradoh para snam kila duh ei iala kyllon iap ha ki kuli jong ki pulit Assam.
Kum ka seng haba la ia syllok bha bad ki briew jong katei ka thain ka daw tynrai hi ka long dei na ka daw ba ka don ka ophis tnad khlaw jong ka jylla Assam kaba la shna hapoh u pud u sam jong ka shnong Mukroh.
Ki dei kitei ki juh ki briew lada ki leit sha ki lyngkha ki leit toh dieng iap ne ki leit ban wat ia ki marrep ki shah dawa pisa bad la da kim siew pisa kim ioh ban leit phai sha iing ki shah kem ia kaba u paidbah um lah shuh ban shu sngap shisngap kaba pynlong ia ki bna ia khih paidbah.
Ha kato ka sngi ki pulit Assam kila sait pathar khlemd a khien ia ki khyllung, ki tynmen ki kro, hapdeng kato ka jingjia ki paidbah kila bitar bad kila pynpra noh ia ka ophis khlaw ka jylla Assam, hynrei lada phi leit biang sha Mukroh mynta ha kato ka juh ka jaka la tei biang ia ka ophis khlaw jong ka jylla Assam.
Ki paidbah ki hap ban leit rep leit riang bad ki hap ban iaid lyngba katei ka jaka kane ka jaka ka don ha pdeng ki jaka rep bad ki jaka sah briew, lada ki pulit Assam ki pyndit ka mut ki paidbah kila duh ja namar kila duh ka rep ka riang.
Lada ym lah ban weng ia kane ka Beat Office kata ka ophis khlaw jong ka sorkar Assam, ka jingma ka dang ap shuh shuh kaba lah ban jia palat ia kaba la dep ban jia, haba ka jylla Assam bad Meghalaya ka don hapdeng ka jingiakren pynbeit pud.
Ha kane ka jingiakren ban ia pynbeit pud ban wanrah ia ka jingshong suk dei ka sorkar Meghalaya ka dei ban kyntu ia ka sorkar Assam ban wengnoh ia katao ka ophis khlaw ba ki paidbah ka shnong Mukroh kin ioh ban rep ban riang.
U samla Donal V Thabah, la ong ba kum ka seng ha katei ka jingjia ka seng kala ai ia ka ejahar hapoh Nartiang Police Station pyrshah ia ki pulit Assam, ka sorkar ka dei ban shim khia ia kane ban lait na kine ki jingjia ka sorkar Meghalaya ka dei ban kham pynjur ia kata ka jingdawa namar haduh mynta pat ioh dak ei ei.
Haba ia dei bad ka jingbuh ia ki police Out post kwah ban don ha khappud beit , namar haba peit ia ka jylla Assam ka wan buh beit ha khappud, ka sorkar Meghalaya ka ai daw ba ka dei ka jaka ba ia kam mar kylliang, lada ka sorkar Assam ka lah ban leh balei ka Meghalaya kam lah ban leh.
Ka sorkar ka dei ban pynkhlain ia ki pulit, ym tnag kata ka die ban pynbiang ia ki kali, ha ka juh ka por ka dorkar ka dei ban ai ia ka bor ia ki pulti ban shim ia ka rai lada poi ka pud ban iada ia u paidbah ka jylla, la ong ba kane ka jingwan ka dei ka jingdon lang ki nongkit kam shnong ka Mukroh bad ki briew jong ka seng.
U samla Donal V Thabah general secretary jong ka KSU la ong ba kila wan ban ia kynduh ia u myntri rangbah ka jylla hynrei kim shym la lah ban ia kynduh namar ba u myntri rangbah u don noh ha pdeng ka jingshitom, kim wan sa wan ia kynduh biang ynda u la khlain.
