Shillong Nohprah 21: Ka NPP Hynriew Lympung Zone mynta ka sngi ka la pynlong ia ka jinglehkmen Khristmas ha National Dorbar Hall, Mawkhar, ha kaba bun ki nongkyrshan ka NPP kila ia poi sha kane ka jinglehkmen.
Ha kane ka sngi, u bah Ransom Sutnga uba dei u Kyrtong ka NPP na 17-North Shillong konstiwensi u la iarwai kmen lem bad ki khynnah rit ha kaba la don bynta lang kynthup naduh ki longkmie longkpa bad kiwei de.
Ha shwa ia kane, la pynlong ia ka jingot ia u Kake khristmas kum ka dak ka jinglehkmen bad ka la don ka jingsam sngewbha sha ki riew tymmen bad sha ki khynnah rit ha kane ka jinglehkmen Khristmas.
Haba kren kum u kongsan ha kane ka sngi u bah Ransom u la ong ba ka sngi Khristmas kadei ka sngi jong ka jinglehkmen bad ka khubor kaba bha ban ap ia ka jingwan u Khrist sha kane ka skal pyrthei.
U la ong ba u don ka jingthmu ban iakhun ia ka ilekshon MLA 2023 bad haba nga khie man ka step ka khubor ba nga ioh ka long wat sheptieng namar lada dei ka mon jong u Blei, yn nym don bal ah ban khang, ha kane ka sngi la ai khublei Khristmas ia baroh.
