Shillong, Nohprah 22: U Myntri Rangbah ka jylla u Conrad K Sangma mynta ka sngi u la iathuh ba u la ia kynduh ia u myntri rangbah ka jylla Assam u Himanta Biswa Sarma bad kila ia kren kumno ban pynneh pynsah ia ka shongsuk shongsain ha khappud.
Haba kren ha ka jingplie ia ka ophis ba thymmai jong ka Shillong Press Club la ong ba u la ia kynduh ia u myntri rangbah ka jylla Assam ha kaba kila ia kren ha ka bha ka miat jong kane ka thian baroh kawei bad kiba ia dei bad ka jylla Meghalaya.
U Myntri rangbah la ong ba kila ia kren ia ka kam khappud, kila ia kren ia ki jingjia bad kila ia kren kumno ban shim ia ki lat ki lynti ban pynthikna ba kan nym don shuh kino kino ki jingjia kiba sngewsih ha ki por bas a wan bad kan don ka shong suk shongsain ha khappud.
U myntri rangbah ka jylla u la iathuh ba mynta ka sngi un don ka jingialang bad ki heh sorkar ban ia kren halor ka jingsdang jur biang u COVID-19 ha kiwei kiwei bad ka sorkar ka kwah ban peit ba dei ban lah ban the la kam ba kan nym saphriang.
Haba ia dei bad kane ka jingioh ban plie ia kane ka Shillong Press Club u la ai khublei kyrpang ia u myntri ba dei peit ia ka tnad pathai khubor jong ka sorkar u James K Sangma dei da ka jingkit khia ka jong u bala lah ban pynlong ia kane ka sngi kumba ka long mynta.
