Jowai, Nailur 13: Ka jingpyninam ia ki riam bad sur jingtem tynrai kaba shibnai lynter la pynlong da ka District Society for Arts & Culture ha District Level ka la kut ha kine ki sngi ha District Library Auditorium, Mynthong, Jowai.
Ha kane ka sngi u Prof. R.C Laloo, Deputy Chief Minister ka sorkar Meghalaya u la long u kongsan. Ha ka jingkren jong u tei u myntri jong ka sorkar jylla u la ong ba ka long kaba don kam ban pynneh pynsah ia la ki jong ki sur tynrai bad ia la ka riam tynrai bad mynta ki samla pule ki wad bniah ia ka rukum ban pynneh pynsah ia ki riti dustur u ba rim. La ka long ha ka rwai ka siaw ka tem ka pud, lane ki khana pateng.
Ha kane ka jingiakop u ba la rah ia ka nam lah duh dei na ka skul JNV Mukhla , Sawlyngdoh Higher Secondary School, Laskein Block bad Sokha Government Higher Secondary School. Loomiongkjam, Jowai, Sokha Government Higher Secondary School bad Madan Kynsaw ki long ki nongjop ha ka jingiatem sur tynrai.
Ha ka jingiarai pat ia ki sur tynrai la jop da ka Seinraj Shangpung, Khliehmuchut, Loomiongkjam, Jowai, Nephiengton Secondary School, Wahiajer bad ka nongjop ia ka jingshad tynrai pat la rah da ka Kya Welfare organisation, Nartiang, Baroto B, Marian Hill Higher Secondary School. Kine ki nongjop baroh kin sa mih khmat ia ka District sha ka jingiakop ha ka jylla.(SP News)
