New Delhi, Nohprah 24: Mynta ka sngi ka President jong ka Ri India ka Droupadi Murmu ka phah ia ka jingai khublei Khristmas sha baroh ki paidbah nongshong shnong ka Ri India, khamtam ia ki paid riew ngeit khristan ha kane ka por leh kmen Khristmas.
Ha ka jingai khublei ka Presiddent jong ka Ri India kala ong ba ka Khrismas ka dei ka dak jong ka jingsuk bad ka jingialong shipara ha baroh ki paid briew ha kane ka sla pyrthei, dei ha kane ka sngi ioh ia ka khubor sngewlem bad ka jingiashah bala hikai da u Jisu Khrist.
Kane ka jinglehkmen Khristmas ka hikai ia ban ia burom mar kylliang da ka jingieit bad jingsbun, la ong ba yn ia bud ia ka jinghikai u trai Jisu ha ka jingim ka jong ngi kaba man ka sngi.
U Vice President ka Ri India u Jagdeep Dhankhar ha ka jingai khublei khristmas la ong ba u Jisu u la kdew ia ka lynti jong ka jing ieit, jingsngew lem bad ka jingsbun bad kane ka long ban wanrah ia ka jingiaishah bad ka jingiasuk ha ka imlang sah lang ka ban wanrah ia ka jingsuk kaba neh ha kane ka sla pyrthei.
La ong kumba ialehkmen ha kane ka Khristmas da ka jingkmen bad ka jingleh riew blei, to yn ia pyrshang ban wanrah ia ka shongsuk shong sain, ka jingiai shah bad ban ia leh ban pynioh ia ka imlang sah lang kaba suk ba kmen.
