Shillong, Nohprah 26: U Nongialam ka party TMC u bah George B Lyngdoh ba dei ruh u Vice President ka party TMC ha Meghalaya, u la ong ba ka jingleit u myntri rangbah ka jylla bad ka kynhun myntri sha Delhi ban pan phah tohkit da ka CBI ia ka jingshah siat iap ki paidbah ha Mukroh kan nym poi shano shano ruh.
U Bah George la ong ba ka party kala kren ia kane naduh ka sngi kaba nyngkong bad haduh mynta kam pat don kano kano ka dak ban phah tohkit sha ka CBI, kane kan nym poi namar ka sorkar Meghalaya kala pyndem ia lade sha ka sorkar BJP ka jylla Assam.
Haba jubab ia ka jingkren u myntri rangbah ka jylla Assam ba ki siat namar ki hap ban iada ia lade, kane ka dei ka jingkren ka bym lah ban pdiang, lada ki briew ka jylla Meghalaya ki leit sha Assam ban pynklumar kata ka jingkren ka lah ban long, hynrei yn nym lah ban pdiang namar ki pulit ki wan sha Meghalaya.
Kaba sngewsih ban iohi ba haduh mynta kam pat don kano kano ka jingtohkit halor katei ka jingshah siat iap san ngut ki briewka shnong Mukroh ha ka jylla Assam haduh mynta ym pat don ka jingtohkit haduh mynta ruh.
Kane ka sorkar MDA kaba la ialam da ka BJP kala pyndem ia lade sha ka sorkar BJP jong ka jylla Assam, ka seng ka iohi ba kane ka sorkar kan shu pynslem bad ka kwah ban ki briew jong ka jylla kin shuklet noh ia katei ka jingjia.
