New Delhi, Nohprah 28: U Myntri Sorkar pdeng u Anurag Thakur mynta ka sngi u la pyllait ia ka calendar jong ka Sorkar India na ka bynta u snem 2023. Ha ka jingai jingkren ha ka jingialang u Myntri u la ong ba ka calendar ka pyni ia ka jingngeit jong u Myntri Rangbah duh u Narendra Modi ia ka SabkaSaath, SabkaVikas, SabkaVishwas.
U la ong ba ka calendar ka don ia ka thup jong 12 tylli ki dur ba pyni ia ka jingkiew shaphrang ka India. U la ban shuh shuh ba ki 12 tylli ki phangna ka bynta 12 bnai kidei kiba pyni ia ki sienjam jong ka sorkar na ka bynta ka bha ka miat jong ki paidbah.
U Myntri u la kynmaw ba la shon ia ka Alamanak hadien ar snem ba la sangeh haba ia ka calendar la lah ban wanrah tang ha ka rynsan digital. Da kaba ong ba kalong ka jingsaindur kaba biang tam jong ka sorkar.
U Thakur u la ong ia ka calendar mynta u snem lah ban ioh lyngba ka lad digital bad kaba ladep shon ruh kumjuh, kan long ka jingsam jingtip shaphang ki kam jong ka sorkar bad ki lad ba iadei bad ka bha ka miat. Ban pynpoi ia kane ka khubor sha baroh ki jaka, yn sam ia ka calendar sha baroh ki Panchayat ha ka ri.
U Myntri u la pyntip shuh shuh ba kane ka bynta jong ka calendar kan pyni ia ki jingjop jong ka sorkar haduh mynta bad ka jingkut jingmut na ka bynta ki por ban wan, kumta la wanrah ia ka phangpdeng ‘NayaVarsh, NayeSankalp’. Yn pynmih ia ka calendar ha 13 tylli ki ktien ba kynthup ka ktien Hindi bad Phareng bad yn sam ha baroh ki ophis sorkar, ki kynhun Panchayati Raj.
Yn sam ruh sha ki jaka ai jingsumar, Navodaya bad ki KendriyaVidyalaya, ki ophis jong ki BDO bad ki DM ha ki distrik bad ki Public Sector Undertaking bad ki autonomous institution ki lah ban thied ia kane ka calendar. Baroh la shon 11 lak kopi bad 2.5 lak kopi yn sam ha ki ktien jong ka thain sha ki Panchayat.
U Thakur u la ban ruh ia ki jingjop jong ki kynhun bapher bapher jong ka Tnat. Ka PrasarBharati ka la pynduhlutia ki analog terrestrial transmitter jong ka lait noh 50 tylli ki transmitter ha ki jaka ba kongsan.
Katba ka DD Free Dish ka la poi sha palat 43 million ki iing ha kaba sdang u 2022, ki channel bapher bapher hapoh ka PrasarBharati ki la kot palat 2 klur ki briew ba subscribe. U la ong shuh shuh ba mynta u snem ka ri ka la bynrap sa 75 tylli ki community radio station bad da kane baroh ki community radio station ba don ha ka ri kilong 397 tylli.
U la pyntipia ki briew ha ka jingialang ba katba ka jingwanrah ia ki kor ha ki kam bapher bapher jong ka Central Bureau of Communication ka la dep, kane ka dang iaidshakhmat na ka bynta ka Registrar of Newspapers for India.
Ka Tnat ha ki 5 snem ba ladep ka la sam 13.12 klur tyngka sha 290 ngut ki nongthoh khubor bad ki longiing jong ki nongthoh khubor hapoh ka Journalist Welfare Scheme, u la bynrap.
U Manish Desai, Director General, Central Bureau of Communication u la pyntip ha ka jingialang ba ka phangpdeng jong ka calendar ‘NayaVarsh, NayeSankalp’ ka pyni ia ki prokram bapher bapher bad ki polisi jong ka sorkar India ba la thaw katkum ka thong bad ka jingialam jong u Myntri Rangbah duh ka ri, u Narendra Modi.
Ia ka calendar yn sa sam sha ki ophis jong ka sorkarpdeng ha kylleng ka ri. Ryngkat bad ka mass mailing unit jong ka CBC la iasnohkti lang bad ka India Post ban sam ia ka calendar sha palat 2.5 lak tylli ki panchayat jong ka ri ha ki ktien jong ka thain, la ong u Desai.
Ka Calendar 2023 ka pyni ia ka jingkut jingmut jong ka Sorkar India ban wanrah ia ka roi ka par ha baroh ki liang katkum ka thong, sienjam bad jingialam jong u Myntri Rangbah duh u Narendra Modi. Man ka bnai ka pyni ia ki jingthmu bad ki polisi jong ka Sorkar kiba la don ka bynta kaba khraw ha ka jingthaw ia ka India kaba khlain bor.
Kyllalyngkot
Katba ka India ka rung sha ka AmritKaal, u Myntri Rangbah duh ka ri, u Narendra Modi u la pynkylla kyrteng ia ka Rajpath kum ka Kartavya Path ha ka 22 tarik Nailur. Kane ka jingleh kalong ka dak ban pynkhein ia ki kynjri jong ka rukom pyrkhat ba don ha ka por ba dang shah synshar ha ki nongwei bad ban iaid sha ka lynti jong ka jingdon kamram na ka bynta ka ri jong ngi.
Rymphang
Ia u bnai Rymphang la aiti na ka bynta ka “KisanKalyan,” lane ki prokram ba iadei bad ka bha ka miat jong ki nongrep. U Myntri Rangbah duh u Narendra Modi u la ong ba ki nongrep kidei ka jingsarong jong ka ri jong ngi bad ka sorkar ka pyntreikam bun ki polisi ban pynkup bor ia ki nongrep ban tei ia ka India kaba seisoh.
Lber
U Lber udei u bnai ban pyndon burom ia ka jingngeit jong ki longkmie ka ri- ka Nari Shakti. Da kaba ai khubleiia ki longkmie ha man ki iing, ngi don hangne ban rakhe ia ka International Women’s Day ha ka 8 tarik Lber. U dei u bnai ban rakhe ia baroh ki longkmie kiba la leh eiei na ka bynta lade bad long ruh ka nuksa ia kiwei ban bud. Ka sorkar India ka pyndon burom ia ki longkmie kiba ioh jingjop da ka ‘Nari Shakti Puraskar’ man ka snem.
Iaiong
Ka jingphaikhmat kalong halor ki jingpynkylla ha ki kam pule puthi ka long kawei na ki jingpyrshang ba kongsan jong ka Sorkar. Kane ka thong kadei ka jingngeit jong ka slogan u Myntri Rangbah duh ka ri, ka “Padhe Bharat, Badhe Bharat”, bad ka phangpdeng na ka bynta u bnai Iaiong kalong Shikshit Bharat. Da ki jingpynkylla kum ka New Education Policy ba wanrah ia ki jingkylla ha ki bynta bapher bapher jong ka pule puthi, ki kam ai jinghikai ha India ki dang mad ia ki jingkylla kiba la donkam la slem.
Jymmang
U Jymmang u dei u bnai ba la aiti na ka bynta ka prokram Skill India. Ka National Skills Development Mission ka thmu ban ai jinghikai palat 30 klur ki briew ha India da ki sap treikam bapher bapher lyngba ki kam kiba la saindur bha. Ka jingpyntbit ha ki sap treikam kan pynthikna ba kin nym don ki samla ha ka ri ki bym kot sha ka lawei kaba ki dei ban poi.
Jylliew
Ia ka International Yoga Day la rakhe ha kylleng ka pyrthei ha ka 21 tarik Jylliew. U Myntri Rangbah duh u Narendra Modi u la plieia ka Fit India Movement ban pynshlur ia ki briew ha ki rta bapher bapher ha India ban pdiang ia ka rukom im kaba koit ba khiah. Ka phangpdeng jong u bnai kadei Fit India, Hit India,’’ ka rah ia ka mantra jong ka jingkoitjingkhiah sha man ki iing ha India.
Naitung
Ka jingiakren shaphang ka koit ka khiah kam long kaba pura khlem ka jingiakrenia ka koit ka khiah jong ka mariang. Ka India ka la don hakhmat eh ha ka jingjied ia ki lad ba koit ba khiah kiba iadei bad ka suin bneng. Ka Mission LiFEkadei kaba la saindur ban wanrah ia ki prokram ban pynlong ia ki briew ban pdiang ia ka rukom im ‘Reduce, Reuse bad Recycle’.
Nailar
Ka jingialehkai bha jong ki nongialehkai jong ka ri, ym tang ha ka Olympics bad Commonwealth Games hynrei ha ki lympungialehkai shabar ri ba la pynlong na ka bynta ki briew kiba don jing duna ha ki dkhot met ki la pyndap ia ngi baroh da ka jingsarong. Ka phangpdeng jong u Nailar kalong Khelo India. Naduh ka jingai jingkyrshan sha ki nongialehkai jong ka ri haduh ka jingpynbiang ia ki jingdon jingem kiba katkum ka juk mynta, ka Khelo India ka kular ban pynpoi ia ka India hakhmat eh ha baroh ki jingialehkai.
Nailur
VasudhaivaKutumbakam, lane ka “Ka pyrthei kalong kawei ka longiing “kadei ka phangpdeng jong u bnai Nailur. Ka G-20 presidency jong ka India kaba buh nongrim ha ka – “Kawei ka pyrthei, kawei ka longiing, kawei ka lawei ” ka ialam ia kane ka jingngeit tynrai ha kylleng ka pyrthei. La ong ba ka bha ka miat bad ki jingsngewkhia ki ktah ia baroh ki briew kumjuh, bad ngi dei ban iatreilang ban kyntiew ia ka jinglong ka jingim jong man u briew ha kane ka pyrthei.
Risaw
Haba ngi ialeh ban kot sha ki khlur, ngi phaiia ki khmat jong ngi ban pynurlong ia ki jingdonkam jong ka ri. Ka sorkar, lyngba ka National Food Security Act, ka ai jingmut ia ka hok ban ioh ka bam kaba shngain ia baroh ki briew jong ka ri. Ka phangpdeng jong u bnai Risaw kalong Ka jingshngain bam.
Naiwieng
La ioh mynsiem na ka jingshitrhem jong u Myntri Rangbah duh ban pynlong aatmanirbhar ia ka India, ka phang jong u bnai Naiwieng kalong ka Jinglah kyrshan dalade. Bad ia kane ka jingangnud la pynurlong da ka jingpyntreikam ia ka INS Vikrant ha ka 2 tarik Nailur, 2022. Kadei ka jhad kit liengsuin kaba nyngkong ba shna ha India ha the Cochin Shipyard Ltd.
Nohprah
Ka jingphaikhmat halor ka jingkyntiew bad rakhe ia ka sap bym pat paw bad ki spah jong ka thain shateilammihngi. U Myntri Rangbah duh u la khot iaphra tylli ki jylla jong ka thain shateilammihngi kum ki Ashtalakshmi. Ka pyni ia ka jingkongsan ka khaii pateng, ki jingdon jingem ka mariang bad ka kolshor bapher bapher jong kine ki phra tylli ki jylla naka bynta ka India kaba seisoh bad la iohi kum ka sienjam sha ka jingtei ia ka India kaba kdup lang ia baroh.
