Shillong, Kyllalyngkot 13: U Chief Election Commissioner jongka election commission ka Ri India u Rajiv Kumar, ha ka jingiadon lang ki ar ngut ki election commission u Arun Geol bad u Anup Chandra Pandey la ong ba ha Meghalaya ki nongthep vote kiba la kynjoh sha ka 100 snem tam ki dang don 290 ngut, kiba la palat 80 snem ki dang don 22658 ngut, kiba don jingduna ha ki dkhot met ki don 7478 ngut.
Haba kren ha ki lat pathai khubor mynta ka sngi u Chief Election Commissioner u Rajiv Kumar la ong ba ka jylla Meghalaya kala juh pyniba ka dei ka jylla ka ba suk ba sain bad ka elelction kaba iaid beit, kyntu ruh ba mynta ka kynti ruh ka jylla Meghalaya ka elekshon kan long kaba iaid beit.
La iathuh ba ka por jong ka iing dorbar thawain ka jylla kan kut ha ka 15th Lber 2023 bad baroh kikam kiba ia dei bad ka elekshon dei ban pyndep shuwa katei ka por, ka jingdon ki nongshong ka jylla baroh ki long 2966889 lak ngut ha kane ka kynti kaba mynta ki nongthep vote ki bun ki kynthei kiba don 1092326 lak ngut.
Ha kane ka jylla Meghalaya na ki 60 tylli ki konstitwensi, 55 la mang kyrpang ia ki riewlum bad 5 tylli ia ki wei pat, ki jaka thep vote baroh ki don 3482 tylli, na kitei 120 tylli ki jaka thep vote un aiti ban pyniaid tang da ki khynthei bad 60 tylli ki jaka thep vote yn pyniaid tang da ki ophisar ban dang ryng thymmai ha ki kam sorkar.
La ong ba ha baroh ki jaka thep vote ka dei ban don ka jaka leit bar bad ka umdih, kin don ki jaka ban iarap lem ia kiba wan thep vote, ka kommission kala buh ruh ia ka App kaba la ai kyrteng eVIGIL kaba ki paidbah ki lah ban ujor sha ka Commission la don ka jingleh bakla.
Ha kane ka jingwan ba ar sngi sha Shillong kila ia kynduh ia baroh ki seng sain pyrthei ban ia kren kumno ban pynlong ia ka elekshon kaba iaid beit, kila ia kynduh ia baroh ki Deputy Commissioner jong ki khatar tylli ki District, ia ki heh sorkar bad baroh ki tnad syntiat jong ka sorkar pdeng kiba don ha jylla.
Kaei kaba la election commission kala bthah ka long ba baroh kito kia ia khun ia ka elekshon lada ki don ki kam da kaid kaba kila leh ki hap ban pyntip ha ki lat pathai khubor la kumno kumno ha ki lai tylli ki kot khubor, lai tylli ki khubor kum ki TV lane ki Digital media.
Ha kane ka elekshon mynta ha baroh ki polling station kin don ki shipa ban ia don lang ban peit ba ka elekshon kan long kaba iaid beit iaid ryntih, la kyntu ia baroh ki paidbah ba kin ia mih sha khmat ban ia shim bynta ha kane ka jingiathep vote.
