Shillong, Kyllalyngkot 14: Ka long ka burom ia ka jylla Meghalaya ha kaba mynta ka sngi la lah ban plie ia ka “Court Yard” hotel ha Jail Road, kane ka dei ka jaka sah kaba heh tam hapoh ka thain shatei lam mih ngi ka Ri India.
Haba plie ia kane ka Hotel u myntri rangbah ka jylla u Conrad K Sangma la ong ba kane ka dei ka burom ia ka jylla kaba rakhe ia ka jingdap 50 snem ka jylla, da ka jingplie ia kane ka jaka sah kan kyntiew ia ki kam jngohkai pyrthei ha ka jylla.
Kane ka jaka kaba la shna ia kane ka Hotel ka dei ka ophis jong ka Shillong Municipal Board, ia ka ophis jong ka la rah sha ki iing bala shna ban pynsah ia ki briew kiba sah ha Themetor bad mynta la pynkynriah ia ka ophis jong ka SMB na katei ka jaka.
Hapoh kane ka sorkar MDA kaba la ialam da u Conrad K Sangma kum u myntri rangbah ka jylla, la lah ban pyndep ia ki ar tylli ki Hotel kiba la sah teng la bun snem, ka Vivanta kaba la sdang tei ha u snem 1986 la lah ban plie mynta bad ia ka Marriott kaba la ai kyrteng “Court Yard” la lah ban plie ha kane ka sorkar MDA kaba mynta
