Shillong, Kyllalyngkot 28: Mynta ka sngi ka party Congress kala pynbna ia ki san ngut ki kyrtong ban ia khun na ki san tylli ki konstitwensi ia kiba khlem pat pynbna ha kine ki sngi kiba la dep, da kane ka jingpynbna ka congress kala pynieng kyrtong na baroh 60 tylli ki konstitwensi.
Ki san tylli ki konstitwensi kiba la pynbna mynta ka sngi ki long na 6-Khliehriat la pynbna iaka kyrteng ka kong Jhanika Siangshai, 7-Amlarem bah Arbiangkam Khar Sohmat, 37-Kharkutta u Chireng Peter R Marak, 39-Resubelpara Dr. Tweel K Marak bad na 47-Rajabala u Carla R Marak.
Da ka jingpynbna ia kine ki kyrtong mynta ka sngi ka party Congress kala dap ban pynbna lut ia baroh ki kyrtong na ki 60 tylli ki konstitwensi ha kane ka elekshon MLA sha ka iing dorbar thawain ka jylla ka ban long ha ka 27/2/2023.
