Shillong, Nailur 20: Ki briew kiba ym lah ban tip ha ka por 1.20 baje siteng synia mynta ka sngi ki la leit ban thang ia ki ar tylli ki kali kiba la buh ha phyllaw jong ka iing dorbar jong ka shnong Pynthor.
Hynrei namar ka jinglap kloi lan ki paidbah ban tem ia ka ding ki kali kiba la shah wiangding ki la lait na ka jingjulor bad kumjuh ka iing dorbar jong ka shnong Pynthorbah.
Kine ki kali kiba la jan shah thang ki don ia u number ML05 F 0081 ka dei ka kali Alto bad kawei pat ka don ia u number ML05 7500 ka dei ka taxi kamai.
Na ka liang jong ki pulit ki la kynnoh ba ki dkhot jong ki seng bhalang kiba la khot ia kane ka jingiakhih kim shym la map shuh wat ia ki iing dorbar bad wat ia ki kali Ambulance ba kit ia ki nongpang ki la ther maw.(SP News)
