Shillong, Lber 22: U Myntri ba dei peit ia ka tnad pynroi nongkyndong u Abu Taher Mondal haba jubab ia ka jingkylli jong u bah Charles Marngar la ong ba ka sorkar ka la dep ban plie khyndai tylli ki Block thymmai dang shen bad ka jingthmu ka long ban pynjan ia ki jingtrei kam ka sorkar sha ki paidbah.
Haba jubab ia ki jingkylli bynrap na ka liang jong u myntri la ong ban ban plie kano kano ka block thymmai kam da don kita ki rule kiba hap ban da bud ryntih hynrei ka shnong ha ka jingdon kam jong ki paidbah.
Na ka liang jong u MLA ka Mawhati la ong ba ha ka snem 2021 kila thoh sha ka sorkar ban plie ia ka Block ha Mawhati namar ki shnong kila jngai plat 80 km ban poi sha Umsning Block bad la kyrpad ia ka sorkar ban pynmih ia ka Block sha katei k thain.
U Symbut myntri rangbah ka jylla u bah Prestone Tynsong haba jubab ia ka jingkylli jong u Dr. Celestine Lyngdoh la ong ba ka jingsiang rong ia ki surok ka PWD kala but ia ki kyndon kiba la buh da ka Indian Road Congress.
Kane ka kyndon ka treikam ruh na ka bynta kito ki surok kiba la shna na ka skhim PMGSY bad ia ki surok kiba la bei pisa na ka sorkar jylla ruh kum juh, haba ia dei bad ka jingmaramot ia ki surok PMGSY ha dien k san snem hap ban peit noh da ka sorkar jylla.
