Shillong, Iaiong 06: Mynta ka sngi ka KSU jong ka shnat Laban kala leit ban ai ia ka dorkhas sha Deputy Commissioner jong ka East Khasi Hills halor ka jingiaid piaidbah kaba la pynlong da ka VHP ha ka 2nd Iaiong 2023 mynta u bnai kaba kila sdang na Lumdingjri bad kila iaid ruh shaki bynta jong ka Laban ha katei ka sngi kaba dei ruh ka sngi u blie.
U samla Reuben Najiar President ka KSU Laban u laong ba kum ka seng ka kyntu ia baroh ki jaidniam ban ia burom mar kylliang, ka seng kam don pyrshah ei ei iono iano ruh ka burom ia baroh ki niam, ha ka juh ka por ruh kiwei ruh ki dei ban burom lang markylliang, hynrei kaei kaba jia ha katei ka sngi ka long ba ki VHP haba kila poi sha Laban Iewdak kila sangeh pyrshah ka iing mane jong balang Presbyterian.
Ha katei ka jaka kila ia hala katkum ka jingpyrta jong ki bd kane ka jingleh ka long ban pynbitar ia ki khristan jong kane ka jylla bad kum ka seng kam lah ban shu sngap jar, ha kato ki don ki pulit jong ka Laban ha ka jaka ba kin ong ia ki ba kin iaid sha khmat hynrei kila long tang ki nongpeitkai.
Ka seng ka pynrem ia ki pulit jong ka Laban PS bad kum ka pynrem jur ia ki pulit, ha kane ka jingiakynduh bad Deputy Commissioner la ong ba dei ban pynshitom ba dei ban leh ei ei noh na ka liang jong ka seng ka kren shai, kumba ka seng ka burom ia ki, ki ruh ki burom mar kylliang.
Ha kane ka jingiakren bad Deputy Commissioner ka seng kala kylli la kan don ne em ka jingiaid paidbah la shai ka sngi Thohdieng bakhuid bad ka sngi u Blie na ka liang jong Deputy Commissioner la iathuh ba kam don kaba kum kata, na ka liang ka KSU ka ong ba lada don kiba leh ka seng ruh kam ban se ban shim ia kaba dei ba dei ban leh.
