Shillong, Iaiong 17: Ki kdhot jong ka KSU jong ka West Jaintia Hills Unit haba kila ioh ia ka jingtip ba ki Karbi kiba don ha shnong Moojem kila pynibor bad kam trai ki jaka jong ki Khasi Pnar bad kane kala mih ka jingiakynad hapoh katei ka shnong.
Na ka liang ki nongialam ka KSU na West Jaintia Hills District kila poi sha katei ka shnong bad la shem ba ki pulit jong ka jylla Assam kila don ha katei ka shnong Moojem bad ki nongialam ka KSU kila ia kren bad ong ia ki ba kim dei ban tam pud.
Mynta ka sngi na ka liang jong ki nongialam shnong Moojem bad ki nongialam shnong Mukoilum na Karbi ba kin ia buh noh da kawei ka sngi ba kin ia kren, khnang ba na ka liang jong ki kin wan rah ia ki heh sorkar bad kum juh na ka liang jong ki khasi ruh kin wanrah iaki heh sorkar ban ia kren ban pynbeit ia kane ka jingeh.
Na ka liang jong ka KSU ka dawa ba ka sorkar kan tuklar kloi ia kane khnang ba nym jia kano kano kaba sngewsih bad kum ka seng ka dawa na ka sorkar ba kan pynbeit noh mar mar ia u pud u sam ba kan nym don kano kano ka jingiakajia bad ka jingshah klun ei ka jaka jong ki shnong Khasi.
Ki nongialam k KSU kiba la leit sha katei ka shnong mynta ka sngi kala ai ka jingkular ba kum ka seng kan nym ieh hynrei kan ia don ryngkat ha kano kano ka jingeh long katba long jia katba jia bad ki la long kiba la kloiban iarap.
Ha kane ka jingialang baroh ar liang ha ka jingdon ki pulit Assam kila ia mynjur ba kin ia pynbeit ia kane ka jingeh da ka jingiasngewthuh jingmut lang ban lait na kano kano ka jingjia kaba sngewsih.
Ha kane ka sngi ki pulit jong ka jylla Assam u Biki Pegu bad u Ranjit Muchahary kila ia kren bad ki dkhot jong ka KSU bala ialam da u General Secretary jong ka West Jaintia Hills District u samla Leningrad Tariang bad ki wei ki dkhot kila ia don lang ha kane ka sngi.
