Shillong Jymmang 19: Ki nongialam jong ka Voice of the People Party (VPP) mynta ka sngi ki la mih noh shiteng na ka jingialang jong baroh ki seng sain pyrthei bala khot da ka sorkar ban ia kren halor ka Roster.
Ka jingmih noh syndet jong ki nongialam ka VPP na kane ka jinngialang kadei namar ba sorkar kam shym la kren halor ka Reservation Policy hynrei ka la batai halor ka Roster System.
U President ka VPP u bah Ardent haba kren ha ka jingialang paidbah ba long ha Parking Lot hajan Additional Secretariat, u la ong ba ka jingdawa jong ka VPP ka long ban pynbeit ia kane ka bhah thungkam thungjam ne ka Reservation Policy.
Ha kane ka sngi u bah Ardent u la rai ba un shong shah thngan khlem buh por marwei bad ia kane ka jingiakhih yn sdang naduh ka 23 tarik Jymmang hakhmat Secretariat, yn sdangia ka jingiakhih da kaba jingshah thgnan shuwa marwei ha ka 23 tarik mynta u bnai ha khmat Secretariat.
Kane ka long ban pynpaw ia ka jing pyrshah ia ka sorkar jylla halor ka jingleh kuman ban iakren halor ka Reservation Policy,Ha kajuh ka por u la kyntu ia ki paidbah ba kim dei ban aisuk ia ki MLA ba kin shu shongsuk hynrei ba kin leit ban tur ban shong kyllain Morngor ha khmat iing jong ki MLA.
U bah Ardent u la ong ba ka VPP ka la pynrem ia kane ka jingbym sngewthuh ka sorkar MDA bad la byrnngem ba kin iakhih haduh ban da poi sha ka thong jong ka jingjop. U la ong ba ka long kaba sngewsih namar ba ka sorkar kam nud ban iakren halor ka Reservation Policy.
La ong ba lada la iakren yn lap shai ia ka jingleh buituh jong kane ka sorkar MDA lyngba ka Office Memorandum (OM) kaba la pynkylla ia kane ka Policy ban pynduhnong ia ka jaidbynriew da kaba buh beit ia kajuh ka bhah.
