Shillong, Jymmang 20: Mynta ka sngi ka myntri ba dei peit ia ka tnad ka koit ka khiah ka Dr M Ampareen Lyngdoh kala plie ia ka PHC ka jaka ai jingsumar hapoh shnong Lawbah kaba hap hapoh ka Mawsynram Block.
Haba kren ia ka jingplie iakane ka jaka ai jingsumar ka myntri ka tnad ka koit ka khiah ka long ba ka sorkar kala kut jingmut ban ai ki jingsumar kiba biang sha ki paidbah ka jylla bad kane ka jingplie ia kane ka jaka sumar mynta ka sngi ka kdew ia ka jingthmu jong ka sorkar ban ai ki jingsuamr kiba biang kaei kaba ki ioh ha nongkyndong kin ioh ruh ha sor.
Na ka liang jong ka myntri kala ai khublei ia baroh kiba ia don bynta lang ha kaba la lah ban pynlong ia kane ka sngi kaba jop bad kala kyntu ba don ia ka jingiatreilang ban lah ban dang pynbiang ia ki lat jingsumar bad la kyntu ia ki paidbah ban ia treilang ban ai iaki lat jingsumar sha ki paidbah.
Ka myntri kala kular ban pynbiang ia ki nongtrei, ki kor ki bor ki jaka sah ia ki nongtrei ha kane ka PHC bad kala ai ka jingkhublei kaba kyrpang ia ka Special Purpose Vehicle Society undertaken by the Lafarge Umiam Mining Private Ltd. (LUMPL) kaba la thied ia ki tiar ki tar ban pyndon kam ha kane ka jaka ai jingsumar.
Ia kaneka jaka ai jingsumar la tei ha ka jinglut kaba la kot sha ka T.4.19 klur, ha kane ka sngi la don lang u MLA bah Ollan Singh Suin, MDC bah Alvin Sawkmie, MLA barim u bah HM Shangpliang ka Deputy Commissioner jong ka East Khasi Hills District kong R M Kurbah.
