Shillong, Jymmang 21: Ka nongbah Shillong kala duh noh sa kawei ka iing rim ha kaba ka ding kaba klang kala pynjulor ia ka Khasi Jaintia Presbyterian Girls Higher Secondary School, kaba don ha Mission Compound Shillong ia kaba la sdang ha u snem 1892.
Ha kane ka jingpluh jong ka kene ka iing skul la iathuh ba la iohi ia ka jingklang ka ding antad ha ka por shibaje tam ne duna mynta ka sngi dang step, na ka liang jong ki pulit pynlit ding ruh mar ia ioh ka jingtip kila beh bran bran sha kane ka jaka ban tem ia ka jingklang ka dieng.
Namar kane ka iing ka ei ka iing kaba la rim bala shna da ki dieng ka jingklang ka ding kala pur sted bad kala pynjot ruh ia ki iing kiba don syndah jong katei ka iing skul, ha kane ka jingjia baroh ki jingdon jingem kila julor lut khoit.
Kane ka iing kaba pluh ka dei ka iing kaba ia ka jingpyniaid ia ka skul la pyniaid na kane ka iing ka jingduh kalong ia baroh ki kot ki sla kiba ia dei bad ka jingpyniaid ia ka skul nalor ki kiwei ki jingbuh jingsat kaba kane ka skul ka don.
Na ka liang jong ki bor pyniaid kila phah noh ia ki khynnah hostel kynthei kiba sah ha katei ka jaka, ka jingkhraw bok ka long ba ha kane ka jingklang ka ding kam shym la ktah ei ei ruh ia ka jaka sah jong ki khynnah hostel kaba don ha jan katei ka iing skul kaba la pluh.
