Shillong, Jymmang 23: Ka jingiakren pynbeit pud ha pdeng ki myntri rangbah ka jylla Meghalaya u Conrad K Sangma bad u myntri rangbah ka jylla Assam u Himanta Biswa Sarma kan long la shai ka sngi ha Koinadora,ka iing sorkar ha Khanapara, Guwahati
Kane ka jingiakynduh hapdeng ki ar ngut ki myntri rangbah ka jylla ka long ban ia sdang ia ka jingiakren pynbeit pud ha ka jylla kaba ar ha ki hynreiw tylli ki jaka kiba dang sah ban hap ban ia kren, na ki hynriew tylli ki jaka kiba kham kyllain kan long ka thain Langpih, Block-I bad Block-II.
Ka sorkar Meghalaya ha u snem 2011 kala ai ia ki jingthoh sha ka sorkar Assam ha kaba kala pynpaw ba ki don 12 tylli ki jaka kiba ka sorkar Meghalaya ka kam, na kine ki 12 tylli la dep ban ia pynbeit ha ka snem 2018, bad mynta kin sdang ban ia kren ia ki 6 tylli ki jaka kiba dang sah.
Ka sorkar Meghalaya kala dep ban thung ia ki lai tylli ki Kommittee ban ia kren ia kane ka kam, kawei ka Regional Kommittee kaba dei ban peit ia ka West Khasi Hills, kawei ka ban peit ha Ri Bhoi District bad kawei ha Jaintia Hills District.
