Shillong, Jymmang 25: Ki Nongshong shnong ka Kdonghulu Ri Bhoi District kila hap ban mad ban shong hapdeng ka jingdum kaba lah jan shi bnai nakadaw jong ka jingduh Syndet ka bording ilektrik.
Na ka nakaliang ki nongshong shnong ka kdonghulu haka jingialam ka Kong Iaishah Rymbai kila leit mih sha ka ophis ka tnat MePDCL Ummiam ban ia kynduh ia ki ophisar halor kane ka jinglip light.
Katei ka tnat ban pynsngew pynsngap halor katei ka jingduh ka bording ilektrik kaba la jan shi bnai mynta kaba kitei ki Nongshong shnong ki la ia kynduh ia ka Superintendent Engineer Ri Bhoi Distribution Circle ka Kong A. Majaw
Ka Kong Iaishah Rymbai haba kren sha ki ladpathai khubor ka la iathuh ba mynta lah jan dap shibnai kaba ki Nongshong shnong ki la hap mad ia Shibun ki jingeh bad jingthut haki Kam ki jam ki jong ki khamtam ia ki khynnah skul kiba dang hap ban khreh kot khreh sla.
Ka jingbym don ka bording ilektrik kaba Katei ka jingduh jong na bording ilektrik kadei naduh ka janmiet 3 Tarik jymmang 2023 bad tad haduh mynta kaba nakaliang ki borpyniaid shnong haka sngi ka ba bud kata haka 4 tarik jymmang 2023 kila leit ban pyntip shaki ophisar ka tnat MePDCL ha Ummiam.
Hynrei ka khlem sym la don Kano kano ka jing shimkhia kaba ki paidbah Nongshong shnong ki la hap shong dum kaba lah jan kot mynta sha ka shibnai. Kala ong ruh hadien ba la ioh ban ia kren bad ka Superintendent Engineer .
Ha kane ka jingia kynduh la ithuh ba ka daw jong ka jingduh ka bording ilektrik hakatei ka Shnong ka dei nakadaw ka jingduh noh jong u Transformer kaba la donkam ban bujli noh da u ba thymmai kaba Kan dang shim por sa kumba 10 Sngi ei ei ban bujli da uwei pat u Transformer ba thymmai.
