Shillong Jymmang 25: Mynta ka sngi ka Executive Committee jong ka Khasi Hills autonomous District Council (KHADC) mynta ka sngi ka la lum jingialang kyrkieh bad ki rangbah shnong kiba hap hapoh Sor Shillong na bynta ban tehlakam ia ka jingwan rung wan buhai shnong jong ki briew ba nabar ha kane ka jylla.
U Bah Titosstarwell Chyne u Chief Executive Member (CEM) ka KHADC haba kren ha ki nongthoh khubor hadien ba la wai ka jingialang, u la ong ba hadien ba ki don ki paid Rilum na Manipur kiba la wan ban rieh tngen ha Madanrynting.
Na ka liang jong ka Council da ka jingsngewkhia mar mar ka la lum ia ki rangbah shnong ba kin shimkhia ban peit ia ka jingwan jong ki briew ba nabar ym tang kiba dei na Manipur hynrei ia kiba wan na shabar jong ka jylla ban wan trei wan ktah ha kane ka jylla.
Katkum ka jingong jong u CEM, la ong da kawei ka jingai jingmut la rai ban pynmih ia ka Notification sha baroh ki Dorbar shnong kaba la khot ka ‘Khasi Hills Autonomous District Council Maintenance of Household Registered’.
Kane ka jingpynbna , ka mut ba ki Dorbar shnong kin registar ia baroh ki nongshong wai ,ia ki trai iing bad ia ki bym dei ki khasi kiba wan na kiwei ki jylla.
Ha kane ka jingialang la rai ruh ba kino kino kiba mut ban wan shong wai, ki dei ban ioh jingbit na ka Dorbar shnong bad ki trai iing ruh kiba mut ban ai wai iing sha ki bar jylla ban khaii ne ban buh dukan kidei ban ioh jingbit na ki Dorbar shnong.
U CEM jong ka KHADC u la ong ba u sngewkmen ba baroh ki Dorbar shnong ki trei shitrhem ban iada ia ki shnonng ki thaw khnang ban nym long kiba rit paid ha la ka jong ka ri, Nalor kane, u CEM u la ong ba ka Council ka la pan ia ka jingiatreilang bad ka shnong haba iadei bad ka jingkhynra Trading License.
Ka Council ka rai ban ai ia ka Notification sha ka Dorbar shnong na bynta ban iatreilang ban peit ia ki trading lisen bad la kyntu ia ki Dorbar ba kim dei ban ai NOC khlem ka jingmynjur jong ka EC ka bym duna ia ka jingbun briew na ka 2/3.”
Ki shnong lada ka lap ba don kino kino ki briew ki bym don ia ka Trading Lisen kidei ban pyntip mar mar noh sha ngi bad ngin leit phah khang noh ia ki dukan baroh, U CEM u la ong ruh ba na ka liang ka Council ruh kan sa phah ia ka jingpynbna sha baroh ki Dorbar Shnong.
Ha kaba iadei bad ka jingai ia ka Domicile Residential Certificate kidei ban da ioh ia ka jingmynjur, uno uno u riewlum uba dei na kiwei ki jylla, un nym lah ba kam ia ka Permanent Residential Certificate na kane ka jylla, la pynshai u CEM ka KHADC.
