Shillong, Jymmang 31: Ka tnad General Administration Department (B), jong ka sorkar Meghalaya kala pynmih ia ka jingpynbna sorkar ha ka 26th Jymmang 2023 ba ia ka ‘Lady Hydari Park’ kaba don ha Shillong la jer kyrteng sha ka ‘Ka Phan Nonglait Park’.
Ban pynkynmaw ba ka KSU la palat phew snem mynshuwa kala dawa ban pynkylla ia ka kyrteng jong ka ‘Lady Hydari Park’ sha ‘ka Phan Nonglait Park” kum ka seng kala leit ruh ban pyndam ia ka jingthoh Lady Hydari Park bad wah da ka kyrteng “Ka Phan Nonglait Park”.
Da kane ka jingpynbna sorkar ka jingdawa jong ka KSU kala urlong ba nangne sha khmat yn tip noh da “ Ka phan Nonglait Park” kane ka jingjer kyrteng ka long ban pynsah nam ia ka kyrteng jong ka kaba la ia khun pyrshah ia ki phareng ha ka thma Nongkhlaw.
