Mairang, Jylliew 09: Ka ophis jong u Deputy Commissioner ka Eastern West Khasi Hills District, Mairang ka pyntip paidbah sha baroh ki nongshongshnong jong ka distrik ba ka jingpynrung kyrteng Aadhaar kaba kyrpang na ka bynta ki khunlung kiba hapoh 6 snem ka rta.
Ki long kmie ba armet bad ruh ki longkmie kiba dang aibuin ia kaba la pynbeit da ka ophis jong ka Child Development Project Officer (CDPO) Mairang bad Mawthadraishan ha ryngkat ka jingiatreilang jong ka ophis ki BDO Mairang bad Mawthadraishan Block ka dang iaid shaphrang mynta ha manla ki shnong kiba don hapoh ka Eastern West Khasi Hills District.
Na ka liang jong DC la kyrpad ia ki longiing kiba don kyrteng ha ka ophis jong ka CDPO ba kin mih shakhmat ban shon ia ki Adhaar Card ki jongki khnang ba kin ym duh jingmyntoi na ki skhim ba la mang na ka bynta jongki.
La bthah ruh ia ki longiing ka distrik ba kin rah ia ki kot ki sla kiba donkam kiba kynthup ia ka Birth Certificate jong ki khyllung, ka Adhaar Card jong ki kmie ki kpa, ka syrnod jingpynshisha ia ka jaka sah na ki rangbahshnong ne ka dur EPIC ha ka por ba ki leit ban shon ia u Adhaar.
Na ka bynta ki kmie ki kpa ki bym pat don ia ka Adhaar Card, la bthah ba kin rah badki ia ka Scheduled Tribe Certificate, ka Birth Certificate, ka dur passport bad ka Certificate Baptis ha ka por ba ki leit pynrung kyrteng Adhaar .
